湯盈盈扯火狂轟滕麗名

湯盈盈於本年三月中誕下愛女Alyssa,日前正式復工拍攝賀歲劇,與滕麗名飾演鬥氣冤家,其中一場打war game戲更以阿滕紙板人頭做靶,非常搞笑!初為人母的盈盈表示家中安裝閉路電視,隨時看到女兒情況,卻偷拍到老公錢嘉樂偷食!



敖嘉年、滕麗名和湯盈盈日前同為賀歲劇《新抱喜相逢》開工。

無綫藝員滕麗名、湯盈盈及敖嘉年日前為賀歲劇《新抱喜相逢》開工,劇中阿滕及盈盈是歡喜冤家,當日拍攝盈盈與嘉年玩war game,以阿滕的紙板人頭做靶。另一場戲則拍攝飾演影后的阿滕與一班臨記開會,打算炮製一套電影欺騙嘉年的兄長麥包。

產後首復出

盈盈產後首度復工拍劇,她直言沒有要求早收工返家湊女,會盡力配合劇組:「復出得就要專業!不過好掛住個女,要成日睇住相同Video!」她透露家中安裝閉路電視,可隨時直擊女兒的情況,但搞笑地偷拍到嘉樂「偷食」:「見到佢半夜喺度食勁大塊牛肉乾,鬧咗佢一餐!做咗媽咪要注重健康,盡量夜晚八點後唔食嘢。」提到與阿滕飾演冤家,盈盈笑言「想鬧佢好耐」,可藉機發洩情緒:「本來我唔識射槍,但用咗阿滕嘅紙板人頭做靶後,眼界都準晒!」

婚期要讓位

阿滕表示與盈盈是同屆訓練班出身,特別有火花,問到會否怕傳不和?她笑說:「佢都生咗女,唔追求呢啲嘢,反而我先係搏殺期。」她透露賀歲劇既搞笑又溫馨,劇中她有不少戲中戲,造型超多:「一日換幾個Look,化妝阿姐都亂晒,喺度問2013年嘅妝係點,咪即係依家囉!另外監製話我要食田雞刺身,諗起都驚!」問到婚禮籌備情況,阿滕表示最近劇接劇,婚期可能延遲,至於確實日子?她賣關子說:「結咗你咪知囉!」


湯盈盈笑言無意中偷拍到老公錢嘉樂偷食。

其中一場打war game戲份,盈盈和嘉年更以阿滕紙板人頭做靶,相當搞笑。

阿滕透露劇中她有不少戲中戲,既搞笑又溫馨。

文:影視組

攝:唐豁莊

    全站熱搜

    tvb4life 發表在 痞客邦 留言(0) 人氣()