黃芷晴事業線搶峰頭

三位「星二代」姜麗文(秦沛女)、黃芷晴(黃日華女)和王子涵(王晶女),昨日聯同歌手陳明恩出席時裝活動。打扮密實的姜麗文和陳明恩被身穿低胸短裙大晒3吋事業線的黃芷晴及王子涵搶去不少風頭。性感打扮的芷晴笑稱父母已經過目,又大讚好靚:「之前好緊張我嘅爸爸近年已放鬆唔少,佢仲會剪低我嘅報道!」



(左起)姜麗文、黃芷晴、陳明恩

相對密實的姜麗文被問到是否怕男友鄭俊弘(Fred)不高興所致?她尷尬表示衣着性感是看當日心情和感覺而定:「如果有男朋友我都唔會為佢改變,因為時裝跟愛情無關!(父親與Fred傳不和?)佢哋係best friend,會成日打電話傾偈,爸爸同佢仲close過同我!(有乜反應?)爸爸只講咗句『黐線』就冇再提件事。」

港視雙嬌因禍得福
美棋芷晴密密吸金

#video_player{width:100%;height:100%;}


■黃芷晴多咗工作,但係亦想港視員工有工開。

港視不獲特區政府發牌,搞到旗下幾百個藝員同員工手停口停,不過港視兩個BB黃美棋同黃芷晴,反而因呢件事人氣急升,近日多咗出騷搵錢,可謂塞翁失馬,焉知非福。噚日兩位BB又各自出席活動,美棋BB同陳豪及蒙嘉慧到圓方出席遊戲機騷,佢承認近日多咗job:「多咗好多,多謝客戶記得有港視呢班artist,不過多咗幾多收入就未計。」咁想港視有牌定係自己接多啲騷?美棋BB話兩樣都想,因為出活動係自己一個,但發牌就全部人都有工開。


■美棋BB近日頻頻出騷搵錢,相當受客戶歡迎。


■陳豪同蒙嘉慧各為其主,但私下友情冇受影響。

蒙嘉慧唔睇電視

提到無綫嘅《東張西望》俾人話公器私用踩港視,美棋BB話佢哋唔應該有立場,唔播可能情況冇咁僵。王維基話如果6個月內搞唔掂發牌就唔再搞,美棋BB話:「都驚,不過未搵出路,可能要打熱線,我又唔可以去扎鐵。」亦為港視拍劇嘅蒙嘉慧同老公鄭伊健都鍾意打機,仲話屋企電視已用嚟打機,好耐冇開嚟睇電視。
至於黃芷晴就同姜麗文及王子涵噚日喺銅鑼灣出席時裝活動,透視谷胸嘅芷晴同露腰嘅王子涵搶晒鏡。黃芷晴前日同老竇黃日華一齊去政總支持港視,港視冇牌係咪反而帶挈多咗工作?芷晴話:「係多咗,開心客戶揀我哋。」寧願港視有牌多過自己有嘢做?佢笑話:「最好有牌又多嘢做。」姜麗文亦話呢排多咗工作,但佢話寧願港視有牌:「收入冇影響,因為王生(王維基)每月仲有出糧。」
撰文:馮仁昭

    全站熱搜

    tvb4life 發表在 痞客邦 留言(0) 人氣()