白姐姐 幫街坊出頭

白韻(白姐姐)星期一(11月4日)突然facebook,寫段鬧人,但轉頭快手delete,令好多網友莫名其妙,白姐姐之後再fb「耍」,佢解釋話唔熟fb手機版功能,唔小心令「當事人」信件公於網絡,深表抱歉。好姨即刻打畀白姐姐問乜事,佢話幫個俾老公呃晒錢灣仔女街坊出頭,唔小心打段落fb,話下次會小心喎。

其實好姨上週六(2日)大名娛樂個週年晚宴,都撞到白姐姐,佢早排搭巴士俾架車chok到拋落地,傷頸椎同左腳,好姨當然問候白姐姐,見佢都幾精神,似乎復原得幾快,白姐姐仲好鬼好心話:「警察問我想唔告個司機,我就算啦,唔想個司機咁樣冇份工。」咁好姨呢度祝佢早日康復啦,幫多街坊出頭啦。

    全站熱搜

    tvb4life 發表在 痞客邦 留言(0) 人氣()