So Comment

香港 No.1小籠包 好德來 地址:佐敦德興街 1號 A地下 電話: 2377 9488

食開小籠包…又繼續
上期講中大「和聲書院」內的「滬軒」小籠包不錯,記得朋友介紹佐敦的「好德來」,但係我又係聽完就算,但係講開小籠包,立即的起心肝去試吓。

食小籠包口訣

「輕輕提,慢慢移,先開窗,後喝湯」
我同意輕輕提慢慢移,絕不同意要開窗,開窗的意思係喺小籠包的蒂開個窿,然後啜咗啲湯。不同意,不同意,咁點樣先至叫正嘅小籠包?食小籠包同食蝦餃係一樣道理,皮同餡係要一齊食的,所以蝦餃不能太大,一定要一啖入晒個口,咁先至可以食到蝦餃皮包住啲蝦和汁加上少少爽口的筍,超正!而小籠包,亦係要 bit size,用筷箸夾起小籠包的蒂,靚的小籠包便會立即變成一個小波形,筷箸可以感到小籠包的重量,而皮又有韌力不至小籠包內的湯漏出,但皮又薄到能見到包內有一泡湯,這個叫盪鞦韆,亦只有最極品小籠包才可以做到呢個地步。

食物

 


小籠包$32, 102分,絕對符合以上所講的 standard,超超正!冇一樣嘢錯。 

 

 


菜肉雲吞$42, OK啦。 

鍋貼$27,沒有北角堡壘街咁正,太大隻,個底亦煎得唔夠燶,唔夠香。 

蘿蔔絲酥餅$33,第一啖,咁香芝麻嘅?反轉個餅,原來個底全部係芝麻。 interesting!

芥末黑木耳 1/2份$29芥末味好 subtle,係木耳太大了。好食。 

醉雞$58,仍係唔夠酒味。 

 

豆漿$10,好飲,飲完唔會脷嚡!

小籠包全港第一

兩人食了$231。
店子好細,大概可以坐 30人,但啲枱又不停有人坐低,呢頭一走,嗰頭又有人坐低。非常旺。係一定要試的地方,

 

好德來
地址:佐敦德興街 1號 A地下
電話: 2377 9488

 

蘇施黃
資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。


攝影:蘇施黃

    全站熱搜

    tvb4life 發表在 痞客邦 留言(0) 人氣()