朱千雪勝在個樣夠甜、青春,而且面口新鮮,加上網友力撐,上位絕對有機。 

媽咪姐

朱千雪有機跑出

無綫新劇《 On Call 36小時Ⅱ》於周一晚開播,本來平均收視都有 29點(約 186萬觀眾),唔錯!可惜因《東張西望》偏頗插「港視」事件,連累《 On CallⅡ》收視跌到 27點,真係無辜。

 

雖然係咁,不過對劇中演員影響不大,以第一次拍劇嘅朱千雪嚟講,雖然第二集先出現,表現唔係話好突出,但被觀眾接受,而佢自己則自謙話覺得自己仲可以好啲。
其實媽咪姐覺得對比起同樣第一次拍劇(《名媛望族》)嘅朱晨麗,佢已經好好多啦,再勤力啲嘅話,假以時日,上位有望㗎。


喺《 On CallⅡ》入面,雖然跟大佢成截嘅吳啟華玩忘年戀,但睇起嚟,兩人外形都好襯喎! 

監製潘嘉德影合照都特別拉埋朱千雪一齊,睇得出佢人緣唔錯。 

《 On CallⅡ》露奶疑雲

《 On CallⅡ》首集其中一幕飾演女救護人員疑似露奶,但因當時戴着口罩,高登仔隨即人肉搜尋。原來係 26期訓練班、周柏豪師妹劉嘉琪( Kanice)。因此事,監製特登叫佢返 TVB安慰,話應該係光線問題,仲叫佢拍新劇㖭。



全站熱搜

tvb4life 發表在 痞客邦 留言(0) 人氣()