古仔打人古仔、青雲同家輝本來係好兄弟,但因為一場誤會令三人關係決裂。升職後嘅古仔更惡到打人,完全唔理兄弟情。 

媽咪姐

終於脫苦海 古仔《掃毒》發惡

古天樂同劉青雲拍檔合作多,不過次次古仔都好命苦,《忘不了》死咗、《竊聽風雲》仲慘到「冚家祥」。今次《掃毒》就威嘞,升官發財做咗總督察,不但一反傳統不再苦情,仲要掉轉頭糟質死對頭青雲,難怪古仔都話:「有機會報仇都幾開心!」

幕幕精彩


古仔話角色比以往威風,不過背後其實受唔少苦,好多內心戲發揮。 

除咗古仔,《掃毒》集劉青雲、張家輝、盧海鵬幾個好戲之人,幕幕都好精彩。

鵬哥熱爆

飾演大毒梟嘅盧海鵬,初次到泰國拍戲, 40度之下長衫長褲長 boot,熱到喊。不過鵬哥話:「大家靜靜哋,心靜自然涼。」果然係高人呀!

青雲受虐

青雲本來係 3個之中最惡,但愈演愈慘,俾古仔、家輝打到血流披面,青雲都話導演陳木勝整蠱佢,安排個「咁虐」嘅角色佢做。

兄弟互片

家輝、青雲、古仔決裂後首次重聚,不過三兄弟唔係相擁,而係互相片車。當中因為有飄移等高危動作,電影公司幫 3個男主角買重保險。


醫院 BBQ

導演陳木勝臨時安排一幕醫院 BBQ戲,交代古仔、青雲、家輝 3兄弟嘅感情。媽咪姐見到佢哋 BBQ,即時諗起強國人喺醫院打邊爐。

    全站熱搜

    tvb4life 發表在 痞客邦 留言(0) 人氣()