頭頂見禿藍正龍特意戴回帽子步出餐廳煲煙,但其間不經意除低帽子,禿頂明顯可見。 

出外埠

藍正龍頭頂見光

男人最痛係乜?同女朋友分手? No啦,女朋友啫,冇咗咪搵過第二個囉,冇乜大不了。男人最怕嘅,係禿頂呀﹗

 

上星期四( 31號)晚,大 S前緋聞男友,着得比街坊更街坊嘅藍正龍喺台北復興北路一間咖啡廳同朋友吹水。吹吹吓,藍正龍走出門口煲煙,原本戴住棒球帽嘅佢,邊吞雲吐霧邊除咗頂帽。不過佢唔除帽猶自可,望真啲,噢,媽媽咪呀,雖未至於牛山濯濯,但髮量已稀疏到見到頭皮。 34歲,原本充滿陽光味嘅型男即時顯老,冇晒光采。


後腦現窿從後面望過去,藍正龍「後尾枕」已可見一撻如食指般大小嘅頭皮。 



平日出現熒幕或公開活動,身高 182cm嘅藍正龍都表現出陽光帥氣。現今出現疑似禿頭危機,型男形象冇晒。《台灣蘋果日報》圖片 

禮服漏洞隋棠

藍正龍頭頂見窿,有「台灣第一美女」稱號嘅隋棠呢,則係靚靚禮服有漏洞。
話說金鐘獎當晚,任頒獎嘉賓嘅隋棠以約港幣 5萬嘅法國品牌 LEONARD長禮服現身,喺薄紗掩映下,雙峰若隱若現非常性感。不過細睇之下,發覺近膊頭位地方勾爛咗,出現咗一個窿。認真失策!


今年隋棠因舊年金鐘獎出現「走光露毛」(右小圖)事件,今年特意「拉上補下」。禮服下襬包得嚴嚴密密,可惜件衫袖有「漏洞」! 


2012年

同場加映 吳怡霈露點疑雲


吳怡霈疑似露暈,成功搶鏡。 

金鐘獎當晚任紅地氈主持嘅「綜藝伽」吳怡霈,難得登上「大雅」,喺行紅地氈時,不斷倒奶擺甫士,喜極忘形下,竟然出現「露暈」疑雲。

    全站熱搜

    tvb4life 發表在 痞客邦 留言(0) 人氣()