搜機控

Bob最愛打格仔

喺報章、雜誌、電視無處不在嘅阿 Bob(林盛斌),好似廣告植入咁,唔覺意滲入我哋嘅日常生活,好恐怖!媽咪姐日前搜吓佢部手機,發現入面除咗一家四口家庭照外,最多就係阿 Bob自拍照,佢仲專登裝咗兩個 apps「玩自己」,一個用嚟幫自己打格仔,一個就玩效果。話阿 Bob自戀狂應該都唔過分!

溫馨 Wallpaper

阿 Bob成日都話搵錢咁辛苦都係為咗屋企,家人永遠放第一位,佢手機嘅桌面又點會唔係一家四口嘅合照呢!

兩點不露

阿 Bob特別鍾情呢個「 Touch Mosaic」打格仔 app,「呢個 app好搞笑,一按即打格。我最鍾意喺我嘅露點相度玩,打咗格就乜點都睇唔到啦!不過佢最敗筆係冇得解格仔,哈哈!講笑啫!」



轉色玩效果

另一個 app係專玩相片效果嘅「 Pixlr」,轉色轉 feel都簡單易用。「有次幫阿女沖涼,俾佢搞到成頭泡泡,佢哋笑到收唔到聲,咪影低咗,得閒俾佢哋笑吓囉!我再用呢個 app玩效果,又俾佢哋笑多幾次。」



    全站熱搜

    tvb4life 發表在 痞客邦 留言(0) 人氣()