自誇 EQ高的馬天佑,轉數亦夠快,被問到有關星級客仔的麻煩事時,他即時封口帶記者遊花園,好識撈! 

名人潮

忽然1周 (954期)馬天佑 大魔術師

馬天佑 大魔術師

形象設計向來天馬行空,懂得利用誇張手法標奇立異,雖然未必獲大眾認同,但至少先贏 noise。
新晉形象總監馬天佑( Mayao),去年從英國回港開製作公司,火速成為創作界新血。他作風大膽搞鬼,試過於慈善相展中,帶賭王千金何超盈重遊出事地點銅鑼灣扮仙女、要林青霞愛女邢嘉倩擘髀坐馬桶。早輪他專程到英國搵正在當地返工的老友何超蓮,為她拍時裝硬照,形象性感惹火。「名媛未必係大家眼中睇嘅咁悶,我想將佢哋內心一面俾大家睇。」短短年半間,他不但儲下不少星級客仔,更穿梭名人圈子,呢個 80後𡃁仔,認真有計!

 


馬天佑除了做形象設計,亦會落手整手作仔。由即日到 17日,他的個人作品於將軍澳新都城中心展出,將格仔及音樂元素融為一體。 

今年 25歲的馬天佑,倫敦時尚學院大學畢業,去年回港後自組製作公司「 Fame Glory」。他打扮前衞,給人感覺古靈精怪、計仔多多。入行年半,他先後與蔡卓妍、吳雨霏等傳過緋聞,身邊亦有唔少名人二代老友。以為他人脈廣,工作量自然多,原來得來不易。他笑瞇瞇說︰「讀書時期,我做過英皇、東亞等暑期工,又去過公關公司幫手。其間識到好多人,同唔少藝人合作。當時我冇收錢,可能啲人覺得我呢個𡃁仔真心學嘢,所以依家都有唔少人搵番我做形象。」
誤打誤撞為自己鋪好路,馬天佑儲落星級客仔如周迅、鄭秀文、范冰冰等,還踏足名人界,為不少名媛搞形象。「其實唔係話咩名人御用 stylist,只不過幫下佢哋(名人)手,俾下啲衣着貼士啫。我依家經常與唔同品牌同機構合作,幫佢哋重新定位,擴闊啲客路。」

解放名媛


除了形象設計,馬天佑開始為品牌重新包裝。「啱啱為法國品牌 Kookai設計咗個『 Madame K& Monsieur K』時尚藝術展,因為佢本身有啲老派,我將佢變得更 young更 sharp。」 

早前他為何超瓊公關公司慈善相展做形象,揭開名媛心底的另一面。「個慈善相展好好玩,目的想話俾大家聽,一班大家稱呼為名媛嘅人未必係大家眼中咁嘅,佢哋都可以好玩得。好似 auntie Pansy(何超瓊)成日去活動着西裝,好正經好女強人感覺,當然佢呢面要 keep住。但我想帶出佢個小宇宙都好多色彩。所以帶佢去 supermarket嘅零食位,好 colorful,加上佢着嘅衫好大膽,好適合佢,因為佢身材真係好好。」
創作工作令他團火正燒到㷫烚烚,工作量愈來愈多,但並非一帆風順。「搞 project實有好多唔同意見,聽過最差嘅係人哋當面話我唔得,好彩我唔係一個好固執嘅人,會自己思考下!」
已經身兼公司製作總監及多位名媛、藝人形象指導的馬天佑,希望五年內在國際時裝台上打響名堂。𡃁仔嘅才華,絕對不能睇小。

超蓮晒股

馬天佑與賭王千金何超蓮老友鬼鬼,早輪親身飛到英國,為她拍下一輯性感時裝相。「我哋唔算識好耐,但係好夾好啱傾,可能大家都唔想俾人睇死。輯相佢俾我話晒事,好信任我,就算要性感、化螢光眼影或者黐好多星星貼紙喺面都得。」




超盈自嘲

賭王千金何超盈迷銅事件鬧到滿城風雨,馬天佑將她打造成仙女,在事發地點影慈善相,夠晒玩嘢!「當時係好敏感,新聞係一單比一單誇張,就不如喺番出事地方去影,點解唔可以攞呢樣嘢玩啫!」


超瓊 deep V

曾於何超瓊公關公司做暑期工的馬天佑,早前為該公司周年慈善相展做形象顧問。當中包括賭王多位千金,大家姐超瓊更影了一輯以性感 deep V在超市掃貨的相片,玩味十足。

邢嘉倩

「 Claudine俾人感覺非常正經,其實佢係個好幽默嘅人。當我同佢講呢個 idea,佢二話不說就去做。佢着住長裙坐喺廁所一路睇報紙,感覺好似上大號。好難 imagine個人着得咁華麗擺呢個甫士,咁先有反差。」

鄧麗欣

最近鄧麗欣搞個人慈善相展,大膽造型亦出自馬天佑手筆。據知塞頭入鄧麗欣衫內的男模原來是男友方力申,馬天佑睩大雙眼話︰「我只知係好好好朋友咋!」

張智霖

馬天佑與不少女星合作,曾替蔡卓妍、吳雨霏等做唱片造型的他,最近亦擔任張智霖新專輯的形象總監。


撰文:蔡靜雯
攝影:劉玉梅
協力:蔡政峰
錄像:盧芷斌

    全站熱搜

    tvb4life 發表在 痞客邦 留言(0) 人氣()