雨僑腳趾骨裂 推job失6位數

雨僑大前晚於家中誤踢硬物致右腳腳趾受創,雖然痛楚難當,但她翌日仍腳踏五吋高踭鞋開工,令傷勢極速惡化需急睇醫生!經診斷後證實她腳趾骨裂,需停工休息。由於雨僑接了不少工作,有些更要穿高踭鞋的工作亦被迫推掉,估計損失至少六位數字!



前日雨僑要坐輪椅到醫院睇醫生,其右腳第二隻腳趾明顯紅腫。

剛拍畢電影《喜愛夜蒲3》的雨僑,旋即投入廣告、登台等工作,怎料大前晚她在家誤踢硬物,右腳第二隻腳趾登時紅腫,由於當時已是夜深,加上翌日為內地一部電影拍攝海報,不能改期,故雨僑前日繼續捱痛工作。

前日雨僑忍痛腳踏五吋高踭鞋拍海報,更企足數小時,終令右腳腳趾傷勢極速惡化,痛得她差點站不起來,故一完成工作後即到醫院。


雨僑因腳傷關係,被迫推掉不少工作。(資料圖片)

昨日撐拐杖的雨僑在友人陪同下到醫院覆診。
做住廢人先

據知,經理人公司近期為雨僑接了不少廣告、品牌活動及登台,更正在洽談一部動作電影,今次雨僑受傷,已立即推掉需要穿高踭鞋的品牌活動,保守估計損失數十萬元收入。若因腳傷而未能拍動作電影,雨僑損失更加慘重!

雨僑昨日接受電話訪問時直言自己黑仔:「醫生要我長時間休息,依家連鞋都着唔到,呢兩日做住廢人先,工作改得就改。(損失至少六位數字?)依家最緊要腳傷快啲好番,其他嘢唔諗!」雨僑本月九日需出席一個婚紗展,幸獲主辦單位體諒,故當日她只會穿着波鞋現身。

有排抖想喊

昨日留家休息的雨僑不停寫微博,並上載了一個骨折康復時間表。她指得悉要十二個星期才能康復便想痛哭。她又上載一張為腳傷特製的腳罩相片,還幽默地指是最新鞋款,實行苦中作樂。

文:影視組

骨折小兒科

雨僑在家中踢硬物導致腳趾骨骨折,骨科專科陳子敬醫生稱:「其實骨折好小事,淨係會痛同紅腫,冇後遺症,唔會構成功能上嘅損失。最痛係頭兩個星期,一般嚟講大約四個星期就會冇咁痛,但要完全康復就要十二個星期,因為要企同行路關係,可能會持續腫三至四個月。」問醫治方法?他說:「食藥同敷冰都得,最緊要保護傷口,唔好再撞親,着啲舒服啲嘅鞋,一般嚟講唔需要坐輪椅或者用拐杖。(點樣意識到骨折?)一定會感覺到,平時撞到只會痛一陣,但如果骨折嘅話會痛好耐,同埋即刻又腫又瘀。」

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()