蔡加讚先探軍情 搶新娘

即將「拉埋天窗」的蔡加讚前晚在音樂會上自爆已準備了「十兄弟」應付姊妹團,他亦有刺探軍情,務求順利「搶得美人歸」,至於羅敏莊就同老公陳國邦孖實合唱,認真sweet爆!



蔡加讚、汪圓圓婚期日近,心情愈見緊張。

玩具大王蔡志明之子蔡加讚前晚與父母及未婚妻汪圓圓欣賞《喜運佳‧譽一鐘錶呈獻:保良星光獻愛心RoadShow LIVE羅敏莊音樂會》,羅敏莊(Mimi)的老公陳國邦和囡囡陳禛都有撐場。

唔搞單身派對

就快做「老襯」的加讚坦言心情興奮又緊張,自己最近正努力操fit,是否「搶新娘」時騷肌?加讚笑言:「斷估唔會要我除剩底褲啩,剝衫嘅嘢等啲兄弟應付。」他又透露正向圓圓表妹湛琪清埋手探軍情,望姊妹團「輕手啲」,不過就未諗準備幾多開門利是。問加讚會否搞單身派對?他尷尬擰頭話:「冇呢個需要,啲兄弟自己玩好喇,唔好畀我知。」訪問完後,加讚就傍住圓圓匆匆入場。


羅敏莊

蔡家上下一起出席音樂會。

當晚主角Mimi換上多套性感晚裝獻唱情歌,她又即場大爆老公陳國邦是第三個情人,亦笑言自己因「唔小心」而增添家庭成員,臨尾老公更攬實Mimi一同溫馨合唱。


羅敏莊演出音樂會,陳國邦抱囡囡撐場。

有池珍熙親筆簽名證書的腕錶成交價六十萬。
羅敏莊驚落淚

受訪時,Mimi話囡囡是第一次看她的音樂會,平時她練歌囡囡會興奮拍掌,坦言勁驚獻唱時會忍唔住喊。最近Mimi努力keep fit,記者笑言她大可「生多件」才減磅,她說未有計劃:「老公有要求過,但湊一個已經好辛苦,如果生仔嘅話希望似我啦,因為囡囡已經似爸爸喇。」

另外,蔡加讚日前在歐米茄「A Tale of Perfection」慈善晚宴中,以六十萬投得韓星池珍熙親筆簽名證書的歐米茄博物館腕錶,並將款項撥捐和平發展基金會,以推動香港青少年的科學與科技發展。當晚出席嘉賓還有謝婷婷、Mandy Lieu等人,星光熠熠。

文:音樂組

蔡加讚接新娘設底線


■(左起)圓圓將嫁蔡加讚,前晚與未來老爺及奶奶蔡志明夫婦一同看騷。

今個月30日結婚的玩具大王兒子蔡加讚及汪圓圓,前晚到九展欣賞「保良星光獻愛心羅敏莊演唱會」,準老爺蔡志明及準奶奶也有捧場。提到心情,蔡加讚說:「好興奮,不過唔使做facial,只會做運動喼弗。」問有否八卦姊妹團玩新郎兄弟的遊戲?他表示姊妹團很口密,但他事先聲明:「唔可以食菇類,又唔可以除剩得底褲,其他乜都OK。」


■苟芸慧被指愛黐有錢人,她即澄清。資料圖片

此外,苟芸慧被指飛出汪圓圓的姊妹團,最新有報道指她密會富商鄭躬明,愛黐有錢人,苟姑娘昨在電話中說:「我唔識中文都知乜叫做密會,應該寫我同君宜(鄭躬明太太)密會就真,因為我同君宜係好朋友。」對於被飛出圓圓的姊妹團,她說:「我同圓圓係好朋友,佢之後都有打電話畀我解釋,佢係新娘可以自己選擇。」
採訪:馬建華、何慧詩
攝影:仇志德

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()