獨家專訪 DaDa知錯哭求原諒

DaDa(陳靜)於今年八月初突然在微博宣佈,因壓力過大引發情緒病,單方面宣佈退出幕前工作,由於未有知會經理人施念慈,打亂早已接下的工作,被外界鬧爆全無責任感。之後DaDa一直潛水,早前終被拍到向經理人斟茶認錯,之後飛泰國散心,準備復出。

DaDa將於今日(十月五日)下午三時召開記者會交代一切。於開記招前,日前DaDa獨家接受《頭條日報》訪問,坦言很後悔當日處理失當,必須承擔過錯向各界道歉,對於前途她坦承很擔心,更哭要求外界原諒,再給她一個機會。DaDa哭訴:「自從四月得『最佳女配角獎』之後,自己真係好大壓力,好緊張自己工作,好怕令外界失望,加上屋企又出問題,但係自己又唔識得搵人開解,我個人不嬲報喜不報憂,結果搞到情緒爆煲都唔知,依家我學識有咩都要同屋企人仲有公司講,佢一定會幫我,自己屈埋屈埋只會令問題愈搞愈大。」DaDa退出兩日後,又突然再為彭浩翔的電影開工,但又缺席其他工作以及即將開拍的電影《喜愛夜蒲3》,備受外界非議「大細超」,DaDa卻解釋並非選擇性復出,「嗰陣時自己真係唔識得處理,連經理人都冇好好溝通,知道有工作諗住照做,但之後又出好多負面報道,自己真係承受唔到先選擇再逃避,我絕對唔係揀做,我知令到經理人、同事同好多人好麻煩,真係好對唔住。」

日前DaDa獨家接受《頭條日報》訪問,坦言很後悔當日處理失當,必須承擔過錯向各界道歉。

提及大家可能對她失去信心,DaDa即忍不住哭說:「梗係擔心!唔知大家會唔會體諒我,人對我工作態度未必再有信心,但係我真係好鍾意演戲,都要面對同承擔。」

有指經理人施念慈要求犯錯事的Dada簽長約,DaDa就坦承確有跟經理人商量過,但細節仲未落實,遲些才說。

DaDa指自從四月得『最佳女配角獎』之後,壓力太大,令自己患上情緒病。

 

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()