少爺占拖妻夜遊

咪睇少爺占(甄子康)平時on air或者出騷嘅時候神神化化,實情呢個十足大細路嘅o靚仔,好鬼man、有膊頭又肯承擔。點解東姑咁話呢?皆因佢同老婆Tina青梅竹馬自幼稚園識到大,難得佢仲一早認咗頭,晨咁早肯做老襯娶咗女友過門唔在講,拍拖結婚加埋咁多年,仲咁恩愛先難能可貴。

東姑周不時就喺西灣河甄氏伉儷住嗰頭,見少爺占拖晒老婆手,好恩愛咁夜麻麻散步,呢啲情趣嘢唔係好多人仲肯做,何況見佢邊行仲邊同老婆咬耳仔雞啄唔斷,就算天口熱到要除埋件外套,連隻手拖到出汗都仍同老婆十指緊扣,不離不棄,呢啲咪真恩愛囉!

拍拖加埋結婚咁多年,少爺占同老婆仲鬼咁恩愛,邊行邊雞啄唔斷。

少爺占周不時喺西灣河寓所附近,同老婆飯後落街拍拖散步,好知情識趣。

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()