空中瑜伽( Aerial Yoga)亦稱為反重力瑜伽( Anti-Gravity Yoga),由印度瑜伽大師 B.K.S. Iyengar所創立,其原理簡單且容易掌握,以 Hammock配合做出各種瑜伽動作,圖為 Agnes(前)與其他導師示範「反轉企鵝式」。 

Jobs Live

飛起來 空中瑜伽 Aerial Yoga  反重力瑜伽  Anti-Gravity Yoga ., Health Max Nutrition Centre Limited 香港德輔道中 40-42號通明大廈 10樓 1004-6室

瑜伽給大眾的感覺不外乎把腳放在頭頂及將身體扭曲,從而達至放鬆身體及鬆弛神經的效果。其實瑜伽分很多類別,除早幾年興起的高溫瑜伽外,近年則有空中瑜伽,不少明星藝人如李嘉欣、胡定欣都有玩! 25歲的瑜伽導師 Agnes,從小便被瑜伽中的優美動作所吸引,她認為空中瑜伽與傳統瑜伽不同的是,它配以一條 Hammock(吊帶)於凌空做出瑜伽動作,趣味性大增!要飛起來,根本不是難事!

 

「先坐喺 Hammock上,再捉緊兩邊嘅吊帶……放鬆啲,慢慢整個人瞓落去,咁就好輕鬆完成呢個『低空蝴蝶式』嘅初階動作,可以紓緩脊椎、肩、頸及背痛。」採訪當日, Health Max的瑜伽導師 Agnes讓記者親身感受空中瑜伽,並從旁協助完成動作。
自小喜歡做柔軟運動的 Agnes於 07年報讀瑜伽導師班,並於 2年前開始教授空中瑜伽,「我自細啲筋就比較鬆,所以對瑜伽呢類拉筋運動好有興趣,想喺呢方面發展,一見到香港瑜伽協會有瑜伽導師課程,就即刻去報讀。其實當時已有人玩空中瑜伽,只不過唔係咁多人識,到最近 1、 2年先喺香港興起。我覺得空中瑜伽好得意,因為可以成個人喺空中倒轉,同埋可以做到更深層嘅拉筋動作。」現時一般瑜伽導師的薪金可達$10,000至$30,000不等。


做空中瑜伽前需要用瑜伽磚( Slimming Block)伸展頸部,避免拉傷肌肉。 

用手配合瑜伽磚的特硬邊角,通頸部淋巴。 

更易掌握

空中瑜伽(Aerial Yoga)的原理簡單且容易掌握,主要以傳統瑜伽的地面動作為基礎,再加上使用 Hammock配合並產生一些變化式。做空中瑜伽的動作會以 Hammock支撐身體部分重量,而這吊帶則可承受約 300磅重量,並以地心吸力作為輔助,不論延展後彎、一字馬、拱橋等,學員都可以容易做到。
空中瑜伽的動作可分為不同程度,由初階至高階;每一個動作都可分為低空及高空,低空是指只有腰及臀部離地,高空則是整個人離地。「其實空中瑜伽對冇玩過瑜伽或者冇做開運動嘅人嚟講都唔會太難,因為有 Hammock嘅協助,反而比地面做瑜伽動作更加容易。有唔少學員只係玩咗 1、 2個月,都話玩空中瑜伽比普通瑜伽更易上手;仲同我講佢哋瘦咗、輕咗同埋手臂結實咗。見到佢哋有成效同識多咗朋友,我都會好開心!」
Agnes表示學員一般以 OL及家庭主婦為主,亦有男士報讀,每班約有 8至 10人。「雖然動作唔難做,但有啲學員唔習慣離地,做高空瑜伽時會有啲驚,所以我哋會企喺佢哋側邊協助,由最初階動作做起,幫佢哋克服心理關口。」


初級動作1.「戰士側彎」可以紓緩脊椎、肩及頸部疼痛。 

初級動作2.「橋式」以拉鬆下背肌肉為主。 

中級動作3.「駱駝」可以拉鬆背部肌肉。

高級動作4.「攀足式」,可以拉鬆腹部肌肉。 

高級動作5.「蝙蝠」難度很高,可以通腿部淋巴。 

Amy 課程總監

除咗分低空及高空動作,每個動作都可以有一啲變化式,我哋會因應唔同學員筋肉鬆緊程度,教佢哋唔同難度嘅動作。

Angela 老闆兼營養顧問

𠵱家空中瑜伽愈嚟愈受歡迎,近呢 1、 2年多咗好多人報讀。我哋最近最推出咗一啲瑜伽磚( Slimming Block)課程,通淋巴好有用!

Ashely 學員

我接觸瑜伽差唔多 10年,而空中瑜伽都玩咗半年有多。我覺得靠條吊帶同埋地心吸力幫助,可以做到一啲深層拉筋動作,相對於一般瑜伽會較有趣味!

 

課程:空中瑜伽課程
機構: Health Max Nutrition Centre Limited
費用:單堂$230(會員)、$260(非會員); 4堂$800(會員)、$900(非會員); 8堂$1,440(會員)、$1,600(非會員)
內容:課程中會教授各種空中瑜伽動作,可以紓緩肩、頸、脊椎等痛症,以及消脂瘦身。
查詢: 3102 3863
Health Max Nutrition Centre Limited 香港德輔道中 40-42號通明大廈 10樓 1004-6室


撰文:霍芷晴
攝影:黎韋邦

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()