王君馨出碟歸功神蹟

雖然喺無綫節目《星夢傳奇》輸咗,但王君馨都有機會出碟,噚日佢喺新城電台宣傳有份唱嘅雜錦福音碟,佢話第一次有一首屬於自己嘅歌好開心,仲係自己填詞,簡直係神蹟:「呢首歌喺我低潮嘅時候寫,當時好唔開心,只係寫咗英文歌詞,點知神同我講你寫中文啦,我就諗我點寫到中文呀,但我嘗試將首歌繙譯做中文,點知出奇地押韻,之後呢隻碟嘅監製搵我,我提議用呢隻歌,再搵好朋友同我修飾吓啲詞,成件事好amazing。」

王君馨獲感召極速寫歌

王君馨昨日到電台宣傳由英皇推出的雜錦新碟,她興奮表示:「好開心,佢哋肯用唔係英皇人嘅歌,我今次為新國語歌《If I Believe》填詞。」她稱創作靈感源自去年的低潮期:「我上年好低落,祈禱時出現咗個畫面,之後兩個鐘內就寫好成首歌。神仲畀咗個感覺我,叫我寫成中文,之後我試吓翻譯成國語,發現啲詞係押韻嘅。」



王君馨的新歌靈感源自去年低潮期。

王君馨又透露將會參與由台灣導演操刀的電影,並會夥拍周杰倫師弟邱凱偉。她指無綫高層梁乃鵬昨晚掏腰包請一班《星夢傳奇》參賽者食飯,之後更轉場唱K狂歡。

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()