鍾嘉欣楊怡爭馬國視后

被喻為無綫台慶《萬千星輝頒獎典禮》前哨戰的《TVB馬來西亞星光薈萃頒獎典禮2013》(前身:Astro我的最愛頒獎典禮)將於12月1日於馬來西亞舉行,無綫今年頒獎禮轉為「半公投」,相反在馬來西亞則進行首次「公投」讓觀眾作投票選出獎項。



鍾嘉欣(左)與楊怡齊齊入圍馬國頒獎禮,爭奪視后寶座。(資料圖片)

大會昨公布入圍名單,最受關注的「最喜愛TVB男主角」候選人包括張智霖、吳鎮宇、黎耀祥、馬國明、陳豪等,但相信挾持《衝上雲霄II》「Cool魔」氣勢,張智霖奪獎機會最大,他亦承認已度期參與頒獎禮,得獎呼聲高唱入雲;「最喜愛TVB女主角」候選人包括鍾嘉欣、楊怡、胡杏兒、徐子珊等。至於「最喜愛TVB電視劇集」候選劇集則有《衝上雲霄II》、《巨輪》、《法外風雲》及《On Call 36 小時II》等。

選視后惡鬥子珊
嘉欣BB失民心輸蝕


■鍾嘉欣入圍馬來西亞頒獎禮最喜愛TVB女主角,不過俾網民批評演技冇突破。資料圖片

無綫為建立公信形象,𠵱家乜嘢選舉都玩民選,包括港姐、台慶視帝視后、《星夢傳奇》等,呢個熱潮仲吹到去馬來西亞。被喻為TVB《萬千星輝頒獎典禮》前哨戰嘅《TVB馬來西亞星光薈萃頒獎典禮》將於12月1日舉行,首次由TVB娛樂新聞台主辦,今年更公開畀馬來西亞全民投選,話想藉此回饋粉絲支持。
噚日無綫公佈入圍名單,共設13個獎,最矚目當然係「最喜愛TVB男/女主角」,各有12個藝人入圍,可以話人人有份,永不落空。被視為今屆視后大熱嘅鍾嘉欣憑《巨輪》角逐,不過有網民唔多睇好嘉欣BB,因為今次冇乜機會畀佢施展最耍家嘅喊功,有啲輸蝕。反而有人睇好上年敗於楊怡手上嘅徐子珊,覺得佢喺《神鎗狙擊》扮演外剛內柔嘅不死女警,好多有轉折嘅內心戲演得唔錯;而楊怡嘅《On Call36小時II》,雖然套劇未出街,但以佢上輯表現,演技不容忽視。而被讚憑《神探高倫布》演技大躍進嘅唐詩詠,唔知係咪人氣唔夠,只入圍「最喜愛TVB電視角色」。


■蕭正楠同鍾嘉欣雙雙憑《巨輪》,分別獲提名最喜愛TVB男、女主角。
劇照


■徐子珊喺《神鎗狙擊》演嘅不死女警俾網民讚有演技。劇照


■張智霖已經度定檔期出席香港同大馬嘅頒獎禮。

Cool魔勝算在握

徐子珊噚日喺電話度話:「唔係呀嘛?咪玩我喇,我舊年畀太大壓力自己喇,所以我今年會隨緣,好好享受個過程,到時睇公司安排。」
男主角似乎係《衝上雲霄II》天下,吳鎮宇、Cool魔張智霖(Chilam)同吳卓羲都入圍,而陳豪同黎耀祥就憑《法外風雲》入圍,部劇冇乜noise,陪跑居多;拍到入院嘅歐陽震華冇份,令人有啲意外。Chilam前晚喺尖沙嘴出席活動,有傳佢揮抵陳豪攞視帝,佢笑晒口話:「當年《十月初五的月光》嘅初哥哥都俾人睇好,但最終冇獎,今次都冇諗。自己平常心面對,有就錦上添花。」問佢恨唔恨?佢話:「唔好咁講,啲人會話我高傲。」不過佢就話會抽時間去晒馬來西亞同香港嘅頒獎禮,似乎胸有成竹。
版主:陳基征

 

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()