赤柱家庭樂
王浩信負傷單手抱女


■王浩信同老婆陳自瑤帶囡囡去赤柱玩,早前拍宣傳片整傷左手嘅佢,唔怕辛苦用右手抱女。

【赤柱】王浩信喺無綫近日播緊嘅劇集《法外風雲》中扮演二世祖宋家耀,終日游手好閒,不事生產,不過現實生活中,佢其實係陳自瑤(YoYo)嘅好老公,囡囡王靖喬嘅好爸爸,王浩信近年受無綫力捧,一劇接一劇,努力搵銀養家。

 

囡囡乖巧

王浩信同YoYo雖然各有各忙,但兩公婆有時間都爭取家庭樂,靖喬轉眼一歲多,會行會走。一家三口日前中午,趁住秋高氣爽入咗赤柱郊遊,兩公婆戴黑超擋陽光,靖喬就cute爆拎手袋仔。王浩信日前拍無綫台慶宣傳片時,唔小心整親左手導致輕微骨裂,要戴護腕之餘,醫生仲吩咐佢要多休息,嗰日囡囡靖喬行攰咗想爹哋抱,王浩信都寧願辛苦啲用右手抱囡囡,盡顯廿四孝爹哋本色。
一家人行到攰,就揀咗赤柱大街一間露天餐廳食飯,坐低後,王浩信怕餓親寶貝女,即刻點菜,等食期間,唔主張用手機𠱁細路嘅YoYo,索性同囡囡去附近行吓,等到食物嚟齊晒,兩公婆分工合作餵囡囡,靖喬全程乖巧冇扭計,難怪爹哋媽咪錫晒佢。
採訪、攝影:羅德光


■囡囡靖喬精乖可愛,難怪王浩信同陳自瑤錫到佢燶。


■王浩信不停用手機幫囡囡影靚相。


■入到餐廳,兩公婆細心餵囡囡食嘢。

 

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()