八哥 Tubby是黃日華收養的,深受全家寵愛,變咗隻肥狗。 

寵物家

黃日華女兒黃芷晴( Adrian):收養有公義!

電視發牌事件令全城憤怒, HKTV大幅裁員, CCTVB又乘機抽水呼籲舊伙計回巢。黃日華的女兒黃芷晴( Adrian)正是 HKTV旗下藝人,「當日我同老豆一齊聽收音機等宣布,知道 HKTV無份,好失望,好想知我哋輸咩。」不明不白失落時候,一樣花時間陪伴寵物小狗,她笑說家中最近又多個細佬,「啱啱再收養咗隻牧羊犬。」早前父母銀婚紀念,舉辦粵曲慈善夜為香港導盲犬協會籌款, Adrian就設計狗狗紀念品義賣。有愛心,會演戲又識設計, Adrian叫大家不用替她擔心前路。應該不用打那條愛回家熱線。

由購買到領養

HKTV開拍的《開腦儆探》, Adrian同爸爸黃日華一同演出,首次拍電視劇, Adrian被爸爸捉着對戲練習,「嗰場戲係我同關楚耀嘅對手戲,男朋友嘅對白由老豆講出嚟,好搞笑!不過佢好認真,我唔敢怠慢。」爸爸嚴厲管教,但二人感情要好,從小到大逢星期日都是 Family day,一家人一起放狗散步。「以前老豆唔太鍾意小動物,不過媽咪好鍾意好想養,老豆都聽佢話。」
Adrian一家養過很多狗,初時全部購自寵物店。後來 Adrian媽咪認識了在 HKDR(救狗之家)當義工的朋友,「有日媽咪俾張狗相我睇,係隻禿晒毛嘅牧羊犬,仲生咗幾個良性瘤,媽咪話想收養。老豆起初擔心手尾長,最後都心軟應承咗。」牠叫 Boomer,全家人都錫到佢燶,帶佢去做手術,又開生日會。「從此我多咗個細佬,媽咪話我係家姐,佢係細佬。」 Adrian是獨生女,有小動物陪伴才少一點寂寞。「收養咗 Boomer無耐,老豆喺 HKDR遇到八哥 Tubby,感覺大家好有緣,就決定收養埋佢,我最近都收養咗朋友嘅牧羊犬 BB火腿。領養好有意義,希望身邊嘅朋友都會咁做。」


Adrian要外出, Boomer和 Tubby在門口目送。 

Adrian和小貓當當十分親暱,不過怕皮膚敏感影響工作,當當不可跳到床上同睡。 

早前八哥 Tubby生日, Adrian媽咪邀請了很多親戚朋友,一同為牠慶祝。 

《開腦儆探》中,華哥飾演資深偵探, Adrian則是見習偵探。 

維護動物權益

上個月是華哥和妻子梁潔華的銀婚紀念,兩夫婦本來沒有打算鋪張慶祝,不過剛好遇到香港導盲犬協會的義工,於是決定以粵曲表演來為協會籌款,女兒則另有貢獻。「我唔識唱粵曲,只係上台講幾句嘢。不過我設計咗啲水杯、襟章等精品義賣。」 Adrian在理大讀 Graphic Design,一直對設計有興趣,未畢業已和同學創作手作飾物,創立自家品牌 Oh My Deer,還去過石硤尾賽馬會創意藝術中心手作市集擺檔。「我的創作靈感多數來自小動物,希望之後有時間鑽研動物權益議題,亦想研究用其他材料代替皮製飾物。」點只愛心滿瀉?直頭用行動為動物爭取公義!


Adrian媽咪梁潔華是息影藝人,常參與宣傳領養活動,更是女兒的形象指導。她身穿的小狗衫,就是媽咪為她挑選的。 

黃日華夫婦早前為導盲犬協會舉行《銀婚粵韻獻愛心》籌款。 


Adrian為導盲犬協會設計的精品;及自家品牌 Oh My Deer貓圖案首飾。 

撰文:吳韻菁
攝影:陳偉傑

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()