雷宇揚49歲做老竇一索得男

雷宇揚太太前日分娩,一索得男取名「雷庭」,寓意他家庭為重,英文名暫時從缺。宇揚為迎接新生兒,身為「鬼王」的他推掉不少萬聖節搵銀機會,這兩天更忙着學習照顧BB,一臉慈父相,搞到自己不顧儀容兼「冇啖好食」,不過深感「值回票價」,又表示:「佢個樣分分鐘都唔同,啱啱出世時似雞尾包囉。其實我太太打算昨日開刀嘅,點知佢提早一日要出嚟,所以搞到我手忙腳亂,本嚟諗住剪定個髮影全家福最終要cancel咗先。」



雷宇揚(左)前日榮升老竇,一索得男。

再追個囡

49歲的宇揚坦言自己也沒想過當人家父親,不過太太喜歡小朋友:「佢諗住生個女o架,我諗佢會再追啩。我哋計緊喺香港留幾個月,等BB大啲先將佢帶返廣州屋企生活,都開始拎定國際學校嘅資料,依家小朋友讀書真係要早啲搞。」

聽天由命

他又表示自己不迷信,所以今次BB上至改名下至開刀時辰,也是「聽天由命」﹕「有啲朋友都話幫我擇日,但我覺得冇咁嘅需要囉。一切順其自然,只係太太一直都係計畫無痛分娩啫。」宇揚笑言要負責搵錢養家,所以日內將復工登台演出。


一臉慈父相的宇揚,深感「值回票價」。

雷宇揚(左)直言要開始為BB拎定國際學校資料。

文:影視組

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(2) 人氣()