唔認做小三
許亦妮:我係正經女仔

#video_player{width:100%;height:100%;}


■許亦妮雖然俯身夾腸仔,但上圍冇乜睇頭。

許亦妮、何佩瑜(Jeana)、寸嘴Barbie夏尉喻、林德信(Alex)同伍詠薇等,前晚喺尖沙嘴出席新戲《喜愛夜蒲3》煞科宴,由兩人分成一組玩嘴對嘴食腸仔。

 

怨冇仔埋身

許亦妮被問會否請緋聞男友兼太陽集團高層盧啟邦(Andrew)睇處女作?佢話:「好悶,仲講,唔係拍拖。」之前先話雙方了解,點解煞停?許亦妮扮失憶話冇講過,係咪男方介意公開?佢話:「所有男女朋友都唔敢同我去街,一影就俾人起底。」有指Andrew有正印女友,許亦妮被指做小三?佢否認話:「講笑冇問題,但講太多會唔開心,我係正經女仔。」有人爆佢哋一齊去新加坡玩?佢話嗰次有好多朋友,再強調單身。


■做過大手術又暈過嘅寸嘴Barbie(右),身材依然逼爆。

之前喺派對暈咗嘅Barbie指血壓低,乜唔係俾酒窩男Jerry嘅花弗史激暈?佢話:「真係好普通嘅朋友,識我都俾人起底。」回覆同許亦妮一樣,唔通夾過台詞?佢話係朋友都有慰問,又指Jerry都係朋友。話有情緒病退出嘅陳靜(DaDa)日前同Jeana去蒲,Jeana話佢好番好多。
撰文:馮仁昭

 Celia胸鬥夜蒲女 唔怕師姐復出

「寸嘴Barbie」夏尉喻及郭穎兒(Celia K.)前晚低胸裝出席電影煞科宴,胸殺女主角許亦妮、雨僑及何佩瑜(Jeana)!提到潛水中的陳靜(DaDa)再被拍到夜蒲,好友Jeana即為她講好說話,但對於DaDa身形翻脹,她卻讚不出口!而DaDa師妹Celia K.則不介意師姐復出會搶飯碗。



Celia晒事業線搶鏡,不介意師姐陳靜復出。

導演錢國偉新片《喜愛夜蒲3》前晚舉行煞科宴,一眾演員陳柏宇、伍詠薇、許亦妮、雨僑、林德信、何佩瑜、郭穎兒及夏尉喻等出席,當中以谷盡D Cup導彈的夏尉喻及晒三吋事業線的Celia K.最搶鏡。搞笑的陳柏宇甫見雨僑即用對方的名字講有味笑話,但玩互餵芝士腸時,有女友的他變得淆底,只肯跟男歌手應昌佑玩,似怕女友呷醋!其後應昌佑與Celia咬腸仔後亦笑言會被老婆扭耳仔。

對於「曠工」多時的好友陳靜再被拍到夜蒲,Jeana說:「萬聖節係開心日子,唔通唔畀玩咩!(佢情緒好番晒?)康復緊,等佢自己交代。」提到DaDa現時體形脹了一個碼,Jeana猶豫地說:「女仔太瘦唔好,要有肉地。」但問到是否覺得對方身形很漂亮,她即時語塞,只說:「在場人士都好靚。(鼓勵DaDa復出?)佢開心就支持!」至於DaDa師妹Celia表示不清楚對方與公司之間的官司,兩人最近有傾電話,但沒有談及此事。問會否怕DaDa復出搶走其工作?Celia大方地說不介意:「我同佢路線唔同,一齊工作就最開心。」


陳靜

雨僑(右)與Jeana齊齊吔腸,林德信冇份。

D Cup夏尉喻(右)胸贏陳宛蔚。

錢國偉(右起)、伍詠薇、許亦妮與陳柏宇撐煞科宴。
許亦妮不做第三者

至於前港姐許亦妮的有米緋聞男友Andrew被揭另有女友,提到此事時她不耐煩地說:「好悶呀!如果拍拖會講,但呢次唔係,我仲係單身!(之前話發展中?)冇講過!(對方介意公開?)所有朋友都會驚,咁樣被起底好唔公平。」她直言介意被指是第三者,自認是正經女仔,不開心背上小三稱號。

文:影視組

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()