品種:彩色水母產地:菲律賓海域一帶平均壽命:半年至 9個月價錢:$55至$85 

Petbook

無毒水母

早幾年海洋公園設立水母館,吸引勁多遊客參觀,全因水母外形優美,極具觀賞價值。很多人以為水母有毒是常識吧!大家在海灘見到水母都會避之則吉,生怕被牠「炸」中,隨時冇命。其實水母都有無毒的,曾在海洋公園工作 16年的阿邦,現在旺角金魚街開設水母專賣店,專賣無毒性水母,希望在香港掀起養水母熱潮。

 


品種:月水母源生地:日本及台灣海域一帶平均壽命: 1年至 2年價錢:$50至$200 

阿邦的店鋪位於旺角金魚街,是全港唯一的水母專賣店,主賣月水母及彩色水母,「呢兩款水母屬於無毒水母,飼養佢哋完全冇危險性,好啱新手養㗎。」
於海洋公園工作 16年的阿邦,上年決意辭去工作,與同是在海洋公園工作的友人阿新開鋪賣水母,「以前我主要打理海洋館、鯊魚館及水母館, 16年嚟日日都對住啲海洋生物,真係想唔熟佢哋都難!近年見到水母館咁受歡迎,香港又冇鋪頭賣水母,見有得搞就決定辭職開鋪專賣水母。」

曾掀水母熱


阿邦所賣的水母大多以豐年蝦作為主食。圖為水母吃飽後,看到牠體內的豐年蝦殘蹟。 

十多年前,香港也曾興起一陣水母熱,但熱潮很快消退,阿邦指全因飼養方式有問題,「當時好多人興將水母放喺個樽度養,咁做水母最多得 3個月命,因為易死所以好快就唔興。其實水母會因應環境空間嚟調整開合幅度,如果空間太細,佢冇足夠空間開合,就會慢慢萎縮而死。只要用啱方法,新手都可以養到年半㗎。」
飼養水母的要點在於選擇適當的飼養缸,「水母身體有 95%係水分,身體非常脆弱,所以要用特別設計嘅魚缸嚟養,呢種魚缸水流唔會太大,令到水母冇咁易撞傷。至於溫度方面,一般好似月水母等溫帶水母,要用水冷機調校到攝氏 22至 24度;而彩色水母則攝氏 26至 28度。」阿邦指水母每日只需餵食一次,每星期換十分一水便可,容易打理。

被「炸」傷送院


阿邦每天都會定時親自餵水母,「雖然間鋪有 500隻以上嘅水母,但比起我當年喺海洋公園打理成萬隻,已經算少。」 

香港水域也有不少水母出沒,大多數屬有毒品種,曾經被毒水母炸過的阿邦勸誡大家不要帶野生水母回家飼養,「大部分水母嘅觸鬚都帶有毒刺,好易被㓤中而中毒;以前我喺海洋公園清洗水母缸時,俾隻有強烈毒性嘅花帽水母炸中手臂,即刻要入院求醫,所以大家見到海裏面有水母千祈唔好接觸佢哋,或者拎返去當寵物養。」
阿邦指現時在香港養水母還未普及,未來或考慮引入更多新品種,吸引更多客人,「𠵱家我諗緊引入一種帶有微毒性嘅水草水母,大約 2至 3個月後就有得賣,希望將來會賣更多品種,帶起養水母嘅熱潮。」

騷 Goods:養水母必備

飼養水母算容易,最緊要是選擇合適的飼養缸,及用水冷器維持缸內水溫。


水冷器$850 

300cm× 300cm× 360cm水母專用缸,連 6隻月水母或彩色水母。$1,680 

套裝豐年蝦$7

 

售賣點:水母之源
九龍旺角通菜街 192號 1樓


撰文:何倬然
攝影:傅新發

全站熱搜

tvb4life 發表在 痞客邦 留言(0) 人氣()