Rayon(右)和 Raymond會為每位客人給予不同的意見,希望客人有收穫地離開。「我哋會針對唔同客人嘅需要、用合理價錢,買到實用嘅嘢,有啲客只係假日踩吓車,我哋會推介佢哋買大廠嘅入門級單車,相對我哋嘅貨可能偏貴,佢哋未必識保養,而浪費金錢。」 

創業通

變裝 單車 CyberBike Underground 私房改車店

眾所周知,人靠衣裝、車靠改裝! 30歲的 Rayon與 22歲的 Raymond自小熱愛單車,從更換第一件零件開始,他們知道可以靠自己的一雙手令一部單車變得獨一無二。
12年,他們合資開辦 CyberBike Underground私房改車店,主要替客人更換各種單車零件及色彩鮮艷奪目的軨框,並配以獨有的軨線織法,設計最適合客人的單車,令大家以合理價錢,擁有一部具個人特色且實用非常的愛駒!

 

位於火炭工廠區嘅 CyberBike Underground,記者踏入鋪內便立即被那一排色彩醒目的軨框奪去視線!內裏放着十多部單車,大多由老闆 Raymond與 Rayon一手一腳組裝而成,且各具特色,其中有一輛更以全粉紅色設計,十分少見!
一般人只留意到 fixed gear單車(固定齒輪單速車)的顏色鮮艷奪目,但他們卻將此特點帶到普通單車上,令客人有更多的選擇。「我哋賣嘅輪組(單車前及後轆)同埋軨框約有 10至 15種顏色,連唔常見嘅顏色都有,好似青色、粉紅、紫色及粉藍等,所以吸引咗好多 90後年輕人光顧。」
細看之下,有些單車輪的軨線竟比一般單車的少, Rayon說:「為講求精準度,我哋真係人手逐條軨線織出嚟㗎,呢種軨線織法係我自創,其實好少人會好似我咁織,我覺得線少啲會比較美觀。」人手織軨線可說是 CyberBike Underground的賣點之一。


軨框鋁製的各種不同顏色軨框,約售$130至$270不等,若需織軨線,則以$1,000起。 

車架店內車架顏色有很多選擇,多達 5、 6種;他們亦有代理內地品牌 Leonis的車架,約售$1,300至$1,800。 

粉紅色單車Rayon得意之作,輪胎用了風盤,除了裝飾外,還可以減低側風阻。此車的車架顏色及設計特別, Rayon只找廠商訂製了一個,真正的獨一無二,此車價值約$16,000(非賣品)。

全金色的齒輪很少見。 

單車的牙盤比一般的闊,可提高踩的頻率,速度更高。 

客人變拍檔

11年 Rayon獨自經營改車店,以售賣單車配件及改裝電動單車為主,但因法例禁止香港駕駛電動單車,導致本地市場需求不大,所以他決定轉型。拍檔 Raymond本為 Rayon的客人,「我成日去佢度買單車配件改車,大家交流吓心得,佢又會教我改裝技巧,咁啱佢想搵一個合夥人,而大家又一樣咁鍾意改單車,所以就諗住合夥。」二人自小喜歡單車,並希望擁有一輛屬於自己的特別單車,故一談改裝,二人均眉飛色舞。
12年 2月, Raymond與 Rayon便合資開辦 CyberBike Underground,主攻中下價的改裝單車及零件,「市面改裝單車閒閒哋 2、 3萬,我哋希望多啲人玩單車,目標係一萬蚊內畀到客人,人人都可以玩到。𠵱家好多客人都係學生,雖然話年輕人消費力冇咁高,但有啲客都捨得使成萬蚊改裝單車。


織軨線時, Rayon會使用調圈台用作測試單車輪胎的平衡。一般調圈台只憑聆聽輪胎搖擺的聲音大小而釐定其平穩程度。而他們加上幅度計,提高精準程度。 

左邊的幅度計是測試輪胎左右搖擺的平衡度;而右邊的幅度計則測試輪胎上下搖擺的平衡度。將度數保持在 20格內為佳。 

他們更會配合張力計使用,務求單車的平衡性更高。張力計主要用來測試各軨線的鬆緊程度,而鬆緊程度會因應不同織法而定,一般直線織法的度數約在 20至 25格之間,為之合格。

價錢大眾化

為了令改裝單車大眾化,他們賣的單車配件價錢都比市面上低至少一半以上,「一件可以賣幾千蚊嘅配件,我哋嘅售價會喺 1千蚊內。要突出自己,就要比其他改裝店唔同,我哋會搵特別嘅貨品畀客人,我哋會入台灣嘅貨,好多嘅設計同性能都唔比歐美貨差。我哋覺得顏色都好重要,好似香港嚟嚟去去都係得幾隻色嘅軨框,我哋就同唔同嘅廠家傾,拎多啲顏色嘅軨框,我哋可以話喺香港眾多單車鋪中,有最多顏色嘅軨框畀人揀。」
他們透過在各大網上論壇及 facebook宣傳,主要客源都來自人傳人的口碑,客人在 CyberBike Underground找到了一些平宜又特別的單車配件,便會推介給自己的車友,故逢假期及郊遊季節,他們的客人都比較多。「我哋係樓上鋪最怕落雨日子,落雨就冇人出街踩車及拎架單車嚟改。」


正職為室內設計師的 Rayon與同樣有兼職在身的 Raymond,均表示要好好分配時間在改裝單車上。「我哋希望可以識多啲同好,分享改單車嘅樂趣。」 

無痛座位台灣品牌 Dpardo,取了專利的無鼻頭座墊,與傳統不同的是,駕駛者可以坐欄杆的方式騎車,減輕臀部因踏單車太久的痛楚,售$760。 

軨線Rubar出產的輪組,軨線設計特別分上下兩層編織,因而不會重疊,耐用度會較高,售$2,980。


線管台灣聖安出品,不同系列剎車線管,如淨色、雷射、金箔、反光等,每條$250以下。 

 

為了擴闊眼界,並為客人帶來更多特別的產品及配件,二人於今年 3月到訪台北單車展,見不少牌子的產品新穎且性能好,他們即與參展商磋商,「我哋遇到好多知音人,成功傾咗幾個品牌嘅香港代理權,雖然唔係咩大牌子,但勝在產品特別,香港少見,好似聖安出嘅剎車線管顏色及款色係全球最多,有淨色、雷射、金箔等; AchiMay嘅輪組設計特別,我哋希望可以連一啲微細配件都可以迎合香港人嘅口味。」他們現提供的服務包括租車、售賣各類零件及改裝單車,並希望日後可以嘗試發展批發配件的業務。


富仔 客人改裝費約$550因為我部車舊,拎去好多大鋪都唔幫我改,咁啱上網搵到私房改車店,佢哋好好人,冇嫌我部車舊。我嗰次改大咗個牙盤及變剎系統、換咗單車鏈。 

盧生 客人改裝費約$6,500我想送一部單車畀女朋友,佢好鍾意藍白色及玫瑰,但市面上好少見。上網見到 Raymond佢哋有好多顏色嘅軨框,佢哋唔單只會畀意見,仲會同我一齊設計,我喺軨框上面寫咗女朋友個名 Gigi,佢收到之後好開心! 

 

開業成本
租金:$21,000(兩按一上)
器材:$100,000
裝修:$50,000
總投資:$171,000

每月開支
租金:$7,000
人工:$16,000( 2老闆 1員工,全兼職。)
入貨及雜費:$10,000
營業額:$54,000
盈利:$21,000

CyberBike Underground私房改車店
查詢:火炭禾盛街 10-16號海輝工業中心 1樓 3室( 2325 2295)

台北國際自行車展覽會


他們於今年 3月到訪台北自行車展,圖為 Rayon與台灣單車配件參展商聖安的老闆合照。 

每年 3月在台北,中華民國對外貿易發展協會都會聯同數個自行車協會,舉辦台北國際自行車展覽會。自行車展中會展出各類單車、單車零件及配件等,並會有全球單車設計比賽、單車環台賽等活動。對單車有興趣者或熱衷於單車行業者,可以在展覽中發掘有潛力或合適自己需求的廠商,展覽中更設有新廠商展示區、台北國際運動服飾、布料暨配件展等,讓大家各取所需。
查詢: http://www.taipeicycle.org 


撰文:霍芷晴
攝影:黃家活
部分圖片由被訪者提供

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()