吳綺莉唔敢勸成龍收口

#video_player{width:100%;height:100%;}


■吳綺莉噚日現身被問到成龍講錯嘢件事,不過佢唔願多講。

剛脫離無綫嘅藝人羅敏莊,同前港視藝員羅貫峰,隨着更多免費電視牌照生效,不愁去向,近日自由身加盟有線,同主播劉明軒一齊主持飲食節目《色香味主播室》,噚日有線仲請咗吳綺莉、周汶錡到尖沙嘴宣傳。

 

謀出兩份糧

成龍近日一番災難論惹起城中人驚訝,連同佢生咗個女嘅吳綺莉都摸不着頭腦話:「唔識回應,問題有啲難答,咁深嘅點解?天災人禍個個都唔希望,開心亦希望個個有。」講到成龍經常講多錯多,係咪要收口呢?吳綺莉話:「唔敢評論人哋,咁人哋唔講畀我哋講埋囉。」


■羅敏莊(左)餵羅貫峰食「泥」,兩個TVB舊將係咁笑同講雞汁寸無綫。

吳綺莉話計劃日頭做主持工作,晚上想做電台主持,咁搏唔通真係傳聞所講經濟有困難?佢笑笑口話:「我貪錢,出多份糧梗係好,想搵多啲錢好正常箒,邊個唔想出兩份糧,返咗嚟兩年幾,未來都要計劃工作。」
記者會上大家都勁抽無綫水,不斷重提May姐馮美基喺無綫節目《May姐有請》招牌笑聲「哈哈哈哈」同雞汁,充滿挑釁性。羅敏莊上月約滿離開無綫緊接到有線開工,佢話毋須過冷河,怕唔怕日後返唔到無綫?羅敏莊都係嗰句:「咁我都要搵食㗎。」正正道出打工仔心聲。
撰文:馮仁昭

 

    全站熱搜

    tvb4life 發表在 痞客邦 留言(0) 人氣()