莫文蔚撇老公半年


■莫文蔚嚮往跟丈夫過二人世界,每提起生BB都大呼怕怕。

莫文蔚、周麗淇和Amanda S.等前晚在銅鑼灣出席時裝店開幕活動,莫文蔚未來半年將忙於入行20周年演唱會的工作,她表示丈夫甚支持:「佢好明白20年係好難得,所以我下半年book咗多啲時間一齊。」趁放假乘機造人?她說:「唔啦,咁麻煩,聽朋友講有BB呢份工最煩,有朋友啲小朋友因為小學面試,都嚟唔到我演唱會。」父母有給予壓力嗎?她說:「佢哋叫我唔好生,思想好前衞,佢哋嘅大前提係開心。」
周麗淇忙於拍劇及還廣告債,自認工作狂的她會否忽略了男友?她說:「我都有正常生活,工作係生活一部份,我係工作狂,唔可以成日黐身,大家都會互相體諒。」
採訪:林嘉慈
攝影:仇志德

    全站熱搜

    tvb4life 發表在 痞客邦 留言(0) 人氣()