蔣雅文榮升前輩 支持老竇

近年香港樂壇不時被批青黃不接,風光不再,這年頭闖樂壇似乎甚為「不智」。然而前英皇小花蔣雅文父親蔣慶華對樂壇仍抱有希望,認為「沒落」現象只是暫時性,自封「最年長新人」的他還決定身體力行,今年正式出道闖樂壇。



蔣雅文已淡出娛樂圈。

現年55歲的蔣慶華是蔣雅文的父親,也是小虎隊成員蔣慶龍的哥哥,笑言是「最年長新人」的他,何以會毅然闖樂壇?

最年長新人

蔣慶華說:「我好鍾意唱歌,以前為生計,我花咗好多時間喺畫畫工作上,雖然亦有教人唱歌,但冇時間出碟,估唔到幾十年後會有機會完成自己嘅夢想,我係『最年長新人』,希望可以話畀其他人聽,只要有熱情同恒心,年紀並唔係問題。」


蔣慶華對樂壇充滿熱誠。

蔣慶華視女兒蔣雅文(左)為「師傅」!

驅使蔣慶華踏進樂壇的人,正正是他的經理人兼好友葉惠民教授:「我1979年嚟香港,之前返家鄉上海,發覺好多嘢都變晒,感觸之餘亦好煩惱。葉教授偷偷哋寫咗隻歌送畀我,希望我可以抒發愁懷,呢件事令我好感動,之後我哋就決定一齊合作。」

對樂壇有信心

談到樂壇「死水」論,他認為這十幾年香港樂壇變得很快,但問題不大:「香港只係失去發展重心,呢啲困難只係暫時性,慢慢適應就會好,樂壇仍有希望。」說到囡囡及弟弟都曾是圈中人,有沒有向他們取經?蔣慶華笑說:「我都有同弟弟一齊交流音樂,分享經驗。(囡囡呢?)佢係我前輩嚟!佢知我一直都好鍾意唱歌,所以都好支持我。」

化妝:Trista Cheung

場地:Bistecca Steakhouse

文:專案組

    全站熱搜

    tvb4life 發表在 痞客邦 留言(0) 人氣()