周美欣攀石練氣闖樂壇

2007年香港小姐季軍周美欣(Lori),除了美貌與智慧並重,原來身手同樣了得。在加拿大讀女校的她,自小六起開始與一班百厭的男同學玩室內攀石,直至回港當選港姐後就未有再玩。今年Lori轉型殺入樂壇,為使台上勁歌熱舞夠氣夠力,她再次玩攀石當練氣。



周美欣成功登頂,一臉自信。

Lori日前到西環一室內攀石場,事前她做足準備工夫,首先要做足熱身,之後穿上一膠底的攀石鞋加強摩擦力,防止跣倒,再用Chalk粉塗滿手掌,避免因出手汗而滑倒。之後Lori大顯身手,雖然初時她有點吃力,但適應場地後Lori愈戰愈強,最終排除萬難,成功登頂。


周美欣指玩攀石有助磨練意志。

 

周美欣騷長腿餵蚊

 

 

 

43吋長腿的周美欣最近為第二首派台新歌《後知後覺》拍MV,講述一個女仔對男仔後知後覺,知道男方鍾意自己嗰陣,個男仔已經疏遠佢,佢話現實中都試過,自己呢方面係好遲鈍,身邊嘅朋友都俾佢激到紮紮跳。周美欣今次嘅MV喺郊外拍攝,佢嘅長腿慘成蚊子大餐,最可憐係仲對住鏡頭扮陶醉,事後佢笑話呢首歌真係有血有汗。
撰文:馮仁昭

 

    全站熱搜

    tvb4life 發表在 痞客邦 留言(0) 人氣()