李克勤 盧淑儀 兩公婆 飲咖啡扮 唔識 李克勤 盧淑儀 盞鬼 3週刊

港姐盧淑儀為李克勤,甘願退出幕前成為佢背後女人,非常低調。自2006年二人結婚後,盧淑儀先後為克勤生兩個囝囝立仁同力司。兩公婆恩愛,囝囝又得意,算係圈中模範夫妻。

不過好姨上週六(19日)中午淺水灣嘆咖啡時,發現李克勤同盧淑儀撇低細路撐腳。難得兩個人二人世界,雖然係只係飲杯茶,但都應該好好傾計。點知好姨越望越唔對路,因為當時咖啡店客人唔多,但佢兩公婆竟然分開兩張坐。要傾計時隔住張,唔傾計時各自玩手機同平板電腦,如果唔知真係以為佢唔識。

克勤同盧淑儀兩個人只係買一支有氣水,克勤就住佢個iPad度睇電影。百無聊賴盧淑儀唯有自己玩電話,點知其間佢撞到朋友,大家閒聊幾句就講bye bye。原本想繼續睇戲克勤發現有記者影相,即時執袋走人。佢同老婆就咁打發大半個鐘,好姨估計佢等接仔放學。

其實富豪去旅行要分開飛機坐,好姨明白為安全理由。但兩公婆一齊飲杯,又點解要分開坐,又好似唔熟咁呢?咁盞鬼,真係諗極都諗唔明。

    全站熱搜

    tvb4life 發表在 痞客邦 留言(0) 人氣()