去到邊都好,最緊要戴超!(設計對白)古仔話見到身邊好多 friend都有病痛,開始知道健康好緊要。都真係㗎!你睇佢個個 friend着緊短袖,而古仔就着 tee仲要加件褸。唉,食少啲煙啦! 

媽咪姐

古天樂潛行東京

日圓回歸低水之後,媽咪姐耐唔耐就要飛去日本 shopping止吓痕。咁,又俾我撞到大明星喎!早前啫,喺東京就見到近排話要減產休息吓嘅古天樂。 Well,佢好低調㗎,嘆茶都要戴黑超,就算喺大堂 send個 message,都要用成個身去遮住,驚死俾人睇到。

 

不過咁,以媽咪姐肉眼所見,古仔呢次同行嘅都係男友人,似乎無「可疑」嘅異性埋身。 Well,各位姊妹仲有機呀!

大佬上身

唔知係咪拍得黑社會片多,古仔去到東京戶外餐廳嘆茶,都一貫大佬 style,煙不離手。

豪住六本木

 


古仔同幾個 friend入住嘅六本木 Grand Hyatt,好近 shopping熱點,前緋聞女友鄭秀文都勁 like。以古仔級數,住行政套房大約港紙 8,000蚊一晚, woo! 

古仔無啦啦坐埋大堂一邊 WhatsApp。斷估……唔會 send嘢俾阿媽囉! 

    全站熱搜

    tvb4life 發表在 痞客邦 留言(0) 人氣()