媽咪姐

陳豪好識 Do

電視劇《法外風雲》多錯漏,但出動型仔律師陳豪,都冧倒一眾女士。現實中嘅陳豪,更係出名受歡迎。上星期,陳豪帶埋個肚籮咁大嘅陳茵媺出席酒店 50周年活動,幾鬼哄動。收咗錢嘅雙陳好識做,唔只有問必答,仲由頭帶到落尾。去到私人酒會,陳豪拖住老婆周圍走,同在場人士打招呼,轉頭又同品牌高層傾唔停嘴,全程交足功課。今時今日仲有咁嘅服務態度,廣告商唔搵你仲搵邊個吖!

 

 


陳豪拖住打扮性感嘅陳茵媺出場,成為全場焦點,兩個邊行邊對望, sweet到不得了。 

索合照去到酒店嘅私人酒會,雙陳好似主人家咁滿場飛,仲同奧斯卡影后海倫美蘭( Helen Mirren)合照。 

被女圍一向受女士歡迎嘅陳豪,喺酒會不斷有女埋身,佢亦露出招牌燦爛笑容,電死人咩! 

冧高層陳氏夫婦形象健康,獲唔少廣告商垂青,不過佢哋亦會主動出擊,埋身同品牌高層密密傾。 

    全站熱搜

    tvb4life 發表在 痞客邦 留言(0) 人氣()