雖然俾超雲飛甩,不過向來輸人唔輸陣嘅陳山聰,當日約兩個麻甩 friend飲酒,都要着晒老西同打呔,堅持走潮型路線。 

媽咪姐

失雲陳山聰呻好 dry

自從同何家千金超雲分手後,四失聰潛水一排,就連無綫搵佢拍劇,都全部推晒避世。直到最近,四失聰先蒲番頭,有人話佢要靠住喺澳門嘅大佬接濟,亦有人見佢一身西裝喺中環返工,不過佢都冇親口證實自己搞緊乜。

 


當晚陳山聰同兩個男友人開咗兩枝紅酒暢飲,飲到面紅紅嘅佢,周不時搵手撥吓啲頭髮,靚晒! 

上個禮拜,媽咪姐咁啱喺銅鑼灣世貿中心一間酒吧撞到聰哥,同行仲有兩個男人陪佢飲紅酒。雖然俾超雲飛甩,但媽咪姐見佢時不時撥吓前面頭髮,飲飲吓酒又再去廁所搵水 gel吓個頭,對儀容依然好鬼講究。臨走嗰陣,媽咪姐梗係把握機會,問佢呢排搞乜。佢就好風騷話:「嚟緊我要參加馬拉松比賽,呢排練緊跑步!(有冇搵超雲?)唉!大家各有各忙!(喺咪幫緊大佬手?)呢排冇咩嘢搞,都好 dry吓!」開到口呻 dry,睇嚟四失聰又打算再出擊,各位千金淑女,睇路喇!

    全站熱搜

    tvb4life 發表在 痞客邦 留言(0) 人氣()