人紅自然多贊助,上星期佢做完電台訪問後,就去朗豪坊拎衫。 

媽咪姐

《星夢》續篇 鄭世豪衰心急

鄭世豪憑住《星夢傳奇》人氣上升,爆冷攞埋亞軍,年尾仲會同圈外女友結婚,原本應該好 happy!不過媽咪姐知道,佢同 TVB嘅合約仲有年半,所以短期都無人工加。本來佢喺出面都有唔少登台工作,大部分都係人脈廣嘅「黑妹」李麗霞幫佢接。黑妹仲話適當嘅時候會幫佢出碟,點知鄭世豪喺 5月時,沉唔住氣嘅性格又發作,話人哋唔守承諾,仲唔幫佢出碟,至今兩人都無點聯絡,搞到佢憑《星夢》紅咗,依家都無乜登台 show接。

 

媽咪姐問過世豪,佢仲叫黑妹做師傅,又話:「師傅 11月中開演唱會,我一定去捧場!(有冇搵你做嘉賓?)咁又冇。」咁即係仲未𠱁番師傅啦。後生仔,識唱歌之餘,仲要識做人先有得撈㗎!


陳展鵬未紅前都係靠「黑妹」李麗霞幫佢接登台 show,黑妹前年開 show,佢仲負責彈結他。世豪,要學嘢啦!《壹週刊》圖片 

鄭世豪早前擔任商場活動主持,訪問鄧麗欣,現場仲有唔少 fans支持。快啲𠱁番「師傅」,接埋登台 show就仲 happy啦! 

搵 friend幫手

攞完衫,鄭世豪夜晚約埋老友森美、鄧梓峰同陳敏之食飯,聯絡感情,順便探下搵食門路。

    全站熱搜

    tvb4life 發表在 痞客邦 留言(0) 人氣()