插圖: Wendy 

揞名爆

「女首領」扮晒嘢 玩謝 Sales

公仔箱出身嘅「女首領」一向牙尖嘴利,依家轉咗行,更加成日着到靚靚,走出嚟發表意見,為人抱不平,正義女神咁㗎。

 

不過,最近就有二五講咗單關於「女首領」嘅八卦料,話說呢位 talk得又要靚嘅前港姐有次去樓上舖睇鞋,個 sales見到平日巴巴閉閉嘅「女首領」,竟然對舖頭嗰啲賣幾百蚊對嘅高踭鞋有興趣,已經有啲奇怪!咁……慳家係美德嚟嘅,所以 sales姐姐都好友善咁招呼佢慢慢睇。
「女首領」唔客氣呀,猛咁試,試咗十幾廿對鞋,仲要邊試邊好誇張咁大讚:「嘩,呢對真係好靚!呢對又好 elegant呀!」好嘞,如是者試咗成個幾鐘,得 sales姐姐滿心歡喜,以為遇到大客啦。點知「女首領」忽然一句:「哎呀!都係諗吓先。」就挽住個手袋閃走。
嗯,即係咁,消費者係有權選擇嘅。不過,以「女首領」咁精明,唔係晨早就應該知自己要啲乜咩?人哋打份工啫,唔好玩人啦。

 

邊個係「女首領」?
•外國讀書返嚟㗎!
•面圓圓嘅。

    全站熱搜

    tvb4life 發表在 痞客邦 留言(0) 人氣()