娛片頭

呢啲就係民意

依家人人都話有圖有真相,但呢期睇片,媽咪姐覺得睇埋遊行期間、政總外嘅現場畫面,先感受到我哋香港人爭發牌、求公義嘅決心!
平日淨係睇電視先見到嘅藝人,周日( 20日)都走出嚟同我哋齊齊上街,一齊嗌口號,喺台上講到聲淚俱下。夜晚政總外,點點星光,感覺有啲悲涼,但媽咪姐同大家一樣,係唔會放棄,因為呢個係我哋嘅香港!

 

 


Sorry!我笑了!

媽咪姐從來都明白,時間係女人最大嘅敵人!睇片見《忽周》搵番那些年嘅《甜蜜蜜》張曼玉,對比依家塊面塑化咗嘅佢,真係有啲欷歔。但睇到星爺攞出嗰支成碌竹咁大嘅「肌肉硬化針」,又真係忍唔住笑咗出嚟,又幾搞鬼喎,衰鬼!查實打乜鬼針吖,每日笑一笑,咪靚晒囉。


記者唔易做!

媽咪姐睇咗咁多年《忽周》,查實都好想了解吓一班記者係點樣搵到咁多勁料嘅!好嘞,卒之今期睇劉以達夫婦段片,先知道佢哋喺條街吹咗好耐風,先等到達嫂返嚟,然後佢答咗一句就落閘,差在未放狗。而達哥呢,神出鬼沒咁喺露台遊走。嗯,原來真係秒秒(片段)皆珍貴呀!


    全站熱搜

    tvb4life 發表在 痞客邦 留言(0) 人氣()