名人潮

新抱起義

免費電視發牌事件,激起不少師奶上街遊行,證明女士們亦有抗爭力量。一班富豪新抱亦升級起義,除咗 high tea、掃貨同去 ball,仲積極融入社區服務。
她們除了緊守豪門新抱崗位,也為社會的弱勢社群出錢出力。就好似徐子淇,為了慈善跑搞到身水身汗,真係辛苦晒!

徐子淇出面搞慈善

恒基主席李兆基千億新抱徐子淇,育有兩女一子。入門 7年,她深居簡出,為了打響老爺招牌,密密搞慈善。近年名銜多多的她,除了是智行基金慈善大使、夏橋計劃名譽贊助人外,更加入紅十字會委員會。
不少名人出席活動,都要名利雙收,但她卻笑說︰「依家去活動全部都同 charity(慈善)有關,因為我要湊小朋友,如果咩活動都出席,我就冇時間睇佢哋。就算出席 brand活動,都因為佢哋有支持我嘅慈善機構,大家有個 friendship咁囉!」千億新抱有名你叫,身家咁豐厚,又點會志在活動嘅酬勞吖。


跑到索氣周日( 20日),身為紅十字會委員會成員的徐子淇,晨早出席慈善接力賽。當日她以一身孖寶兄弟打扮出賽,短短廿分鐘都跑到氣喘,流晒汗。 

義教英文去年成為夏橋計劃名譽贊助人的徐子淇,做埋義務教師,親身教基層學生英文,更紆尊降貴陪食平民飯盒。 

出動收捐款早前徐子淇與郭富城出席雪花秀慈善活動,更公開自己與囡囡的合照,皆因品牌捐款予「智行基金會」。

諸葛紫岐忙騷金叵羅

上周六( 19日),佗住 7個月 BB的諸葛紫岐,以低胸裙谷奶現身名車活動,風騷到不得了。「我都想自己搵錢買嘢送俾小朋友,但老公唔想我做。我成日喺屋企好悶,出嚟同大家傾偈開心啲。」老公薛嘉麟要她停工,但她偏要出街見人。 keep住曝光,力證薛家新抱地位永恆不變。

 

 


人牆護駕佗住金叵羅的諸葛紫岐,更加身嬌肉貴,出入有兩個助手跟實外,更有多名公關傍住兼拎定披肩防冷親,排場十足。

晚晚食蛋糕 

除了騷籮咁大嘅巨肚,自稱近期食得好清淡的諸葛紫岐,每晚在微博晒蛋糕。大肚婆要控制糖分好喎! 

過百萬 Van Cleef& Arpels鑽錶諸葛佗 B後此錶就經常不離手,名副其實是 lucky watch。 

鄭慧師帶女撐老公

華光船務主席趙世光孻仔趙式慶,上周五( 18日),以「地脈基金會」創辦人身份出席該會慈善晚宴。平日低調的他一早到場招呼賓客,而他同樣甚少露面的太太鄭慧師,則帶同囡囡趙子彤撐場。


一眼關七趙式慶與太太鄭慧師同是武林中人。趙太為免個女上鏡,一手遮住囡囡雙眼,身手敏捷。 

趙式慶一身傳統獵人服裝現身,以主人家身份招呼賓客,與老婆及囡囡分開進場。 

汪圓圓開 P排場勁

將於下月 30日與蔡加讚結婚的汪圓圓,周日( 20日),在寶雲道私人住宅搞個 bridal shower派對告別單身。派對以 pink做主題,請來大堆名人雷林靜怡、羅霖及楊小娟等 50人出席。圓圓入得蔡家,排場點會輸蝕。

 

 


女主角汪圓圓着住白色吊帶裙到場,開心到暈,不停揮手,手上的 5卡訂婚戒指特別搶鏡。 

四代同堂派對除了請來大堆名人賓客,汪家的四代女將亦齊齊出動,場面 sweet到漏。 

廿磅大蛋糕汪圓圓家姐汪詩詩為派對主腦,專登找來不少粉紅糖果糕點,而訂造的廿磅巨型蛋糕,價值過萬元。

撰文:名人組 
攝影:攝影組

    全站熱搜

    tvb4life 發表在 痞客邦 留言(0) 人氣()