媽咪姐

許亦妮 進擊之小三

前年港姐季軍、今年 24歲嘅許亦妮,雖然代表作欠奉,但其 35D噴血上圍,往往成為一眾網友談論焦點。

 

查實對於許亦妮嚟講,最緊要私底下有本事認識達官貴人,早前就俾人斷正,與太陽集團嘅有米高層盧啟邦( Andrew)同車拍拖。媽咪姐收到風,許亦妮已經有「一籃子」計劃,希望透過新歡嘅人脈關係,增加拍戲機會。為咗「循序漸進」做女一,佢唔會介意甩咗同無綫份約㖭!
其實許亦妮一副戰鬥格真係全行皆知,佢明知男友鍾意玩車,上周六( 19日)就低調出席名車活動,幫男友揀下新車。不過咁,話咁快周二( 22日)就傳出 Andrew原來喺澳門有正印女友!以為釣到金龜嘅許亦妮就「見光死」,火速被飛。噢,又要重新上路咯!


上周五( 18日),許亦妮出席名酒活動後,先去附近樓上 Salon整頭,然後再搭的士鬆人。其間佢鬼死咁醒目,冇幾耐就發現鏡頭,仲主動打招呼! 

上周一( 14日),許亦妮喺韓國拍完《喜愛夜蒲 3》返港,立即 mark實新歡。 Andrew當日仲出動 469萬嘅法拉利,許亦妮真係識嘆。可惜嘆唔耐啫! 

上周六( 19日),許亦妮帶女友人突然現身名車活動,不過今次佢就閃縮得多,見有記者影相,仲有啲不知所措表情。

    全站熱搜

    tvb4life 發表在 痞客邦 留言(0) 人氣()