黃智賢炒快艇敏之標尿

黃智賢和陳敏之日前為新劇拍落水戲時,接二連三發生意外,親自開快艇的黃智賢差點夾死敏之替身,嚇到在場的敏之自言「尿都標埋」。之後黃智賢英雄救敏之一幕,又不慎令敏之撞親頭部,幸好有驚無險。



黃智賢與陳敏之幾經波折終拍畢戲份,齊齊yeah。

無綫藝人黃智賢與陳敏之日前在西貢早禾坑為劇集《點金勝手》拍攝緝捕行動戲份,期間親自開快艇的黃智賢,不慎輕微撞到另一艘船,險些夾親敏之的男替身,敏之見狀即大嗌:「嚇死我呀,謀殺呀!」之後她又搞笑扭計說:「呢場戲我都係唔拍喇,尿都標埋出嚟。」

拉上水撞親頭

黃智賢事後表示當時有兩秒不懂反應:「本來我唔驚,但敏之一嗌就驚,其實泊船時一停就有水流,令架船漂咗埋去。(船主詐型?)冇,因為有水泡喺船側邊,冇真係撞到。」

之後二人坐快艇出海中心拍另一場戲,敏之被黃智賢拉上水時,再次發生小意外,其頭部不慎撞到船邊,但敏之卻笑言自己變得更聰明:「我成日都整親,呢啲好少事啫。」問到是否被黃智賢嚇親?她說:「係呀,我一roll機就好神勇,不過鏡頭以外都係做番自己。」


敏之替身(左)有驚無險,避過一劫。

黃智賢開快艇,險釀意外。

黃智賢英雄救美,竟不慎將陳敏之的頭撞向艇邊。

仔仔與千嬅亦在西貢拍攝落水戲。
千嬅仔仔落水

此外,台灣型男周渝民(仔仔)與楊千嬅也在西貢,為杜琪峯新片拍了約一個多小時的落水戲,抱着水泡的千嬅向仔仔大嗌:「死啦死啦!」

該片疑玩在2008年預測歐洲國家盃賽果的「鱆魚保羅」橋段,二人搞笑地跟海中的鱆魚聊天,仔仔大叫:「我哋仲要睇球賽!巴塞對皇馬!」千嬅則說:「我要C朗呀!」另千嬅接受《最佳女主角》訪問時,表示今年獲得金像獎「最佳女主角」時,腦袋漆黑一片。

文:影視組

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()