香檳魚子醬配白桃慕絲$188金黃色粒粒是以分子料理炮製的香檳魚子,滿滿的一堆,入口滿是香檳香,白桃慕絲不太甜,配合香檳啫喱及酸味重的雜莓吃,賣相味道都是$188應有的水準。 

試食王

 冧女名牌香檳 tasting Le Dome de Cristal 地址:中環皇后大道中 9號嘉軒廣場 3樓 電話: 2116 4688

近期最有話題新店,肯定是 Le Dome de Cristal,名牌香檳 Cristal揀香港開設全球首間餐廳,單是名氣已經夠注目。 Cristal是法國著名香檳酒莊 Louis Roederer的頂級品牌,最基本的 Cristal零售價起碼過千,珍貴的以萬計。今次開第一間餐廳,揀中環 Galleria,格調高檔,合理。之但係同本地飲食集團合作,竟然唔係劉嘉玲唔係 Ritz Carlton,而係唔算太出名的 Ambrosia,集團旗下日菜 Miyabi都俾劉嘉玲搶鋪位執埋啦。

 

餐廳位於 Galleria 3樓,入口則設於 2樓,員工跟我們打招呼後,就搭𨋢上一層,我們剛巧和另一客人一同進場,上到去,兩名侍應已經企定歡迎,一秒鐘都不用客人等候。餐廳圓拱天花頂樓底超高,香檳金襯米白色簡約設計,不算特別靚,但餐枱非常鬆動,坐得舒服。幾千呎地方只容納四五十人,場內有七八名侍應,每人照顧兩三枱客,服務果然細心,全場不用揚手叫侍應,只要望一望,他就會走過來落單,水杯的水飲了一半,又會主動添加,就連主菜等了幾分鐘未上,亦主動跟進。服務真有五星酒店貼心,連說話聲線都很輕很客氣。


Tasting Sampler$380上枱時,侍應簡單介紹:「 Cristal的氣泡較幼細, Rose比較 full-bodied, Brut酸度較高,啱配沙律。」同時間飲三杯比併質素,明顯覺得 Cristal酸度低,氣泡幼細口感細緻。 

西西里紅蝦扁意粉$398大 size的紅蝦,不是很多地方供應,來貨價也貴,侍應提醒最鮮味的地方是蝦頭,將蝦膏撈勻意粉來吃。 

大蝦蘆筍意大利飯$268(午餐連頭盤)蝦肉爽口,意大利飯不算杰身,帶蘆筍清香,不太膩。 

阿拉斯加蟹肉魚子醬$298絲絲蟹肉配黑魚子,蟹肉的甜配合魚子鹹鮮,預期之內的鮮味。 

 

以為難得請到 Cristal合作,喺法國請米芝蓮廚坐鎮才算順理成章,原來是供應歐陸菜,水準合理,未至於特別突出,但以二三百元午餐的價錢來說,值得再幫襯。主角香檳選擇多,單是 Louis Roederer也有 Brut Premier NV、不同年份的 Vintage Brut、 Blanc de Blancs、 Brut Rose,以及 Cristal的 1990至 2005年其中幾個年份, Cristal最平 2005年,一支$2,950, 1990年六公升$298,800,全場最貴!俾價錢嚇窒?有三款可逐杯叫, Brut NV$178、 Brut Rose 2008$278、 Cristal 2005$590,還有 Tasting Sampler,以上三款各半杯,只賣$380,一次過試,絕對可以試真 Cristal點解咁貴。壓軸驚喜在香檳甜品,等了超過 15分鐘才上枱,當見到粒粒金光閃閃的香檳魚子,明白為何等咁耐。


室內有用餐及酒吧位,另設露天酒吧有小水池及香檳樽作裝飾。 

 

Le Dome de Cristal
地址:中環皇后大道中 9號嘉軒廣場 3樓
電話: 2116 4688

評分

食物:★★★ 1/2
服務:★★★★
環境:★★★★
抵食:★★★

試食王

喜歡外出用膳,也喜歡誠實,不相信飲食網站的所謂評分,也怕了所謂食家獲得優待後的意見,情願隱姓埋名,真金白銀,測試飲食雜誌飲食網頁捕捉不到的真實一面。


撰文、攝影:試食王

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()