政府發得兩個電視牌,睇怕港劇未來都無起色,唯有下載定煲劇 apps,等出街搭車都有好戲睇。 

ETIPS

㷫爆搵劇煲

特區政府黑箱發新免費電視牌,結論是無綫繼續獨大。作為觀眾,不想繼續睇三幅被,不如轉睇日劇韓劇美劇好過。
推介三款手機 apps,收錄最新最齊外國劇集,全部都可以用屋企 Wi-Fi下載完先睇,不怕用盡流動數據量。
以後肚餓,就不一定要食麵。

最快最新

有齊「中、日、韓」大熱劇集,上片更新速度仲非常快,好似《半沢直樹》男主角堺雅人最新演出的日劇《律政狂人 2》,在日本星期二首播,星期三中午 app內就有字幕版,超快。

千尋影視
支援系統: Android、 iOS



「千尋影視」不單有齊最新大熱劇,介面分類亦比較仔細,不怕搵不到心水劇集。 

網速最快

論下載速度,用「快播」最好,只要用劇名搜尋,就會提供速度最快的連結,就算串流睇片都不怕窒格。不過提提你,記得關掉內置的分享功能,事關系統會自動分享手機內的劇集檔案給 500米範圍內的網友,出街時好易爆數據量。

快播
支援系統: Android、 iOS



區域分享原意是提升下載影片速度,不過就好浪費流動數據量及電量。 

勝在字幕組

睇外國劇,最緊要字幕譯得好,譯到「牛頭唔搭馬嘴」,盞睇到一頭霧水。雖然大部分手機煲劇 apps的字幕都出自有質素的「豬豬字幕組」及「日菁字幕組」,但都不及「風行電影」強勁,收錄的日劇除了有中文字幕,更會同步出埋日文字幕,學日語簡直一流。

風行電影
支援系統: Android、 iOS



中文字幕的翻譯水準已經夠高,仲有埋日本原裝字幕比較,學日文更易。 

電視輸出

點都要用大電視煲劇,最佳辦法是用 HDMI線,將手機影像輸出大電視,畫面穩定得來,仲可以用屋企 Wi-Fi串流煲劇,下載都慳番。

只須買個轉換器,就可以將手機畫面接駁到大電視,免卻煩複無線網絡設定。
( iOS: Lightning Digital AV轉換器$398)
( Android: MHL轉 HDMI轉換器約$80)


text:林梓添
photo:吳超德

tvb4life 發表在 痞客邦 留言(0) 人氣()