Juno執導被投訴逼鮑姐鵬哥爆粗

麥浚龍(Juno)首部執導作品舉行首映,影后鮑起靜笑言拍攝時Juno要求她講粗口對白,盧海鵬亦踢爆他拍戲時喜歡加上粗口,幸好開正他「米路」;而另一影后惠英紅則投訴與Juno合作辛苦,慘被血淋兼拍到甩骹。



蔡少芬未受綁架事件影響,內地商演繼續接。

麥浚龍前晚以導演身份,率領演員惠英紅、鮑起靜、盧海鵬和錢小豪出席其首部作品《殭屍》的首映禮,並邀得好友張家輝、蔡少芬、陳法蓉、錢嘉樂、關淑怡和黃百鳴等人出席。

半桶血照頭淋

影后鮑起靜笑言拍攝時Juno要她大講粗口,在旁的鵬哥即附和說:「係呀,原來Juno拍戲鍾意用粗口o架,咁真係開正我米路,無端端對住部升降機都要講。」Juno聽後尷尬地說:「呢段冇出嘅,我留番自己收藏。」影后惠英紅則大嘆與Juno合作辛苦,她說:「拍呢部戲拍到我甩骹;另外有場戲係要用半桶血淋落我度,周圍又多屎水、尿水,真係想喊。」雖然如此,但她大讚Juno有才華,並說:「佢係一個好有心,用鏡頭用得好好嘅導演。」


錢嘉樂(右)撐哥哥錢小豪及Juno場。

惠英紅與盧海鵬同樣演技精湛,合作必有火花。

Juno透露下月初會去台灣做首映和出席「金馬獎」,問有否請女友戴庚玲出席首映?他說:「今晚唔知,我最希望我父母出席,可惜佢哋唔喺香港。」


張家輝專誠捧老友場睇首映。

鮑起靜為Juno獻出銀幕爆粗第一次。
有提名已開心

問到Juno對票房的信心時,他說:「都唔敢諗呢樣,有獎項提名已經好開心,獎項同票房係我控制範圍以外,不過都緊張,始終係第一套執導電影。(有提名好鼓舞?)係,真係冇諗過。」問做導演的壓力是否比演員大?他認為一樣:「今次好開心有好多資深演員參與,有好多都退咗休同半退休,有啲仲轉埋行。」

文:影視組

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()