岑潔儀Choco品種:玩具貴婦年齡: 3歲性別:男(已絕育) 

Petbook

玩具貴婦 第二情人

香港電視的靚女藝員 Zoey(岑潔儀),自小便非常喜歡狗狗,雖然 3年前經歷喪犬之痛,令她不敢再養狗,但直至遇上玩具貴婦犬 Choco,才令牠重拾養狗熱情。 Choco十分乖巧,善解人意, Zoey當牠為第二情人。

 


除了散步外,玩滑梯亦是 Choco的最愛活動。 

Zoey的愛犬 Choco十分乖巧,散步時,牠不用繫着狗繩也能跟着主人,「 Choco, come!佢細個係啡色㗎,見佢咁似朱古力就幫佢起咗呢個名,不過慢慢就變咗做灰色,專家話可能佢父母其中一隻唔係啡色,所以大大吓先會變色。」
受家人影響, Zoey自小便對狗情有獨鍾,「喺我 6歲大時,爸爸收養咗一隻大笨狗,佢好乖好得意,令我自小開始鍾意狗,好想自己擁有一隻,直到 16歲時,我做 model賺咗少少錢,就去寵物店買咗隻白色松鼠狗。」
約 3年前, Zoey心愛的松鼠狗阿 Dood病逝,令她非常傷心,「我養咗佢 8年,最後佢都敵唔過病魔,當時唔想再令自己傷心,有諗過以後唔再養狗。」

老公的驚喜

愛犬成癡的 Zoey,始終敵不過狗狗的可愛魔力, 10年她遇上了 Choco,令她重拾養狗熱情,「有一次經過間寵物店,見到 Choco就覺得佢好曳好抵死,心口又有一執白色毛,特別得嚟又好可愛,但當時仲未忘記到阿 Dood,所以冇帶佢返屋企。點知到咗聖誕節,我老公竟然帶咗佢返嚟,真係畀咗個好大嘅驚喜我。」
Zoey說 Choco小時候非常頑皮,脾氣十分大,要接受寵物訓練員的訓練,「佢一發脾氣就會隨地大小便,有次仲試過跳上床大便,真係激死我!最後我帶去佢接受寵物訓練,先至慢慢變乖。」
雖然 Choco的脾氣很大,但 Zoey依然十分愛牠,全因 Choco善解人意,「試過有次做完嘢返到屋企,覺得好大壓力好唔開心,就自己一個落樓下散步紓緩吓,當我行到落去,先發現原來 Choco不知不覺咁跟住我,想氹番我開心,嗰刻見到佢真係咩煩惱都冇晒,𠵱家我當正佢係我第二個男朋友。」


Choco5個月大時,毛色是啡色,隨着年齡增長才漸漸變成灰色。 

兩星期前, Choco的尾巴被人踩到受傷,令 Zoey非常心痛,「醫生話佢俾人踩甩嗰啲毛,有可能生唔番出嚟,我都好擔心。」 

Choco不用繫狗繩也能跟着主人,十分精乖。

撰文:何倬然 
攝影:傳新發 
部分圖片由被訪者提供

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()