漫遊毒物

組建你的「最已陣」《足球經理人》

拜仁、曼城、車路士今年買人買到癲,高登仔形容為「 FM式」買人,即係好似玩球會育成 game《 Football Manager》咁,開支票好似篤芒咁,大把錢、人任買。最近香港都有隻同類新作《足球經理人》,仲可以用手機玩,想學雲加砌個「最已陣」(最強球員已在陣中),其實唔難。

 

香港波牛最近可以玩 Gameone隻中文版育成球會《足球經理人》,唔只搵到前港腳李健和扮晒日系《 Winning》 game手指指影相做代言人(雖然記者自己想搵桂神—黃興桂),隻 game仲係完全港式足球術語化,保證同聲同氣。遊戲可以玩齊各國聯賽,你可以收購來自過百國家嘅球星,組隊、集訓、出征,可與 300餘支知名球會比賽。當然仲唔少得近排香港玩家頗為入迷嘅虛擬球星咭,除咗抽超級巨星、仲有機會抽中和仔,但佢絕招會唔會係底線傳底先?


當年和仔招底線傳底,跟歐偉倫的單刀橫傳,真係唔希望喺遊戲中會用到……設計圖片 

遊戲分成多種比賽,有啲係拎實名球星咭,增加隊伍實力;仲有寶石、裝備、經驗值。 

又可上競技場跟其他玩家挑機,會跟每日排名派禮物。此外仲有盃賽、聯賽、玩家之間的 1V1挑戰賽。

為球會建設各種功能性樓宇,比如行政大樓、球會中心、球場等等,可提升實力。 

招攬球員分為一般球員以及實名球員,後者要參加各式盃先有得拎,能力當然係勁好多。 

呢個 100場連續對戰,衝到最後一關會有大量獎品。

 

遊戲種類:經營競技
對應系統: Android
代理公司: Gameone
遊戲下載:免費
推出日期: 2013年 10月 21日
官方網站: http://sm.gameone.com 

車仔老闆 真係 FM式買人

我哋玩吓 game、用吓虛擬代幣買賣球員,見係好波之人就收購,已經覺得好爽。但拍馬都追唔上車路士油王老闆阿巴莫域治,因為佢真係搵專人寫 app,以 iPad收看全球重點球星近況影片,仲有班球探將球星能力數值化,等佢更易買人。只要佢揀啱新血,落個價再 click一 click,車仔班球探就會開工進行收購,真係好豪!


北京新浪網 

設計對白及圖片 

撰文:鍾世傑

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()