華仔呢個揸槍 chok樣,雖然多年都有,不過華迷睇極唔厭。 

FBI

劉華提早佔中

雖然距離聖誕節仲有 2個幾月,不過 FBI已經開始留意今年聖誕有冇好戲睇,其中劉華孭飛嘅 3D警匪片《風暴》就已經開始宣傳造勢。故事講華仔飾演嘅警察,同罪犯林家棟,仲有大賊胡軍嘅恩怨。

 

故事講華仔飾演嘅警察,同罪犯林家棟,仲有大賊胡軍嘅恩怨。呢套戲華仔有份投資,話明警匪梗會有鬧市槍戰場面,其中一幕仲要喺中環畢打街一帶取景,仲要玩爆炸又火燒場面添!中環 anytime都人來人往,要拍唔係咁易, FBI聽聞劉華除咗一早向政府部門申請,仲有就係每日由朝早 5點拍到 7點就即刻收機,第日再拍過,咁就包唔會阻街惹人投訴收陀地啦!呢招真係要教吓《變形金剛 4》嘅導演 Michael Bay喎!


華仔愛將林家楝喺戲中本來係罪犯,後轉做卧底,同劉華亦開始鬥智鬥力。 

除咗華仔,戲中仲有黃德斌(中)及邵美琪男友施祖男,戲中跟劉華出生入死。 

飾演大賊嘅胡軍,最後梗係邪不能勝正啦! 

一大清早封咗中環畢打街一帶拍《風暴》,大家睇到嘅背景係實景,但爆炸同火爆呢啲場面當然經過後期電腦加工,否則附近咁多名店,燒到咪大鑊? 

撰文、攝影: FBI

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()