10年前同木村拍劇傳過緋聞嘅柴咲幸,喺新劇《安堂機械人》再度飾演情侶。已 40歲嘅木村依然咁有型,拍埋 32歲嘅柴咲幸仲好鬼襯。 

日面

視帝激戰 木村追打堺雅人

近年韓劇橫行,好彩多得一套《半澤直樹》,唔只經典對白「加倍奉還」變成潮語,更令日劇再度發威。
剛開始的秋季日劇,亦承接《半澤直樹》的餘威繼續 keep住個勢,焦點更落在上位收視王堺雅人,與萬人迷木村拓哉正面交鋒。堺雅人在《律政狂人 2》飾演的騎呢律師,惡鬥於《安堂機械人~A.I. Knows Love?~》,飾演深情機械人的木村,上週齊齊播出第一集,《律》劇以 21.2%收視先打低 19.2%的《安》劇。不過𠵱家先啱啱開戰,木村仲有得追㗎!

《安堂機械人~A. I. Knows Love?~》深情機械人

上週日( 12日)已於日本出街,由木村孭飛的新劇《安堂機械人~A. I. Knows Love?~》,講述木村飾演帝國大學教授沫嶋黎士突然被殺,因他曾向未婚妻安堂麻陽(柴咲幸飾)許下承諾會守護她 100年,其後一個機械人 Llyod(木村飾)突然現身,原來 Llyod是從 100年後的未來世界返回現在保護麻陽。
《安》劇賣點,除以萬人迷木村做生招牌外,今次還拍住 10年前一齊拍《夢想飛行 Good Luck》而傳過緋聞的柴咲幸,再度黐埋談情,加埋 AKB一姐大島優子助陣,卡士勁到爆。原本贏面不俗,可惜內容抄盡經典劇集及動畫,如《神探伽俐略》,甚至《 IQ博士》,觀眾大彈冇創意兼九唔搭八。結果第一集出街,收視只得 19.2%,雖然以近年日劇低迷的時勢來說,成績已不俗,但遇着超強勢的堺雅人主演,高收 21.2%的《律政狂人 2》,靚仔木村想追都唔係咁易。


《安堂機械人》唔只有愛情仲有科幻,劇中飾機械人的木村,被女機械人捉住打,仲打到飛上天空,誇張過《 IQ博士》。 

木村原本飾演帝國大學教授,但一次突然被殺,之後就由一模一樣、來自未來世界嘅機械人代替佢繼續保護柴咲幸。 

木村同柴咲幸再度飾演情侶,攬抱之類嘅親熱鏡頭肯定駕輕就熟。

《律政狂人 2》騎呢大狀

由新紮收視一哥堺雅人主演的《律政狂人 2》,講述堺雅人繼續飾演毒舌律師古美門研介,拍住同樣滿腔熱血,正義滿瀉的新丁律師黛真知子(新垣結衣飾)去用法律解決各種懸案。
劇中,堺雅人延續上一輯《律政狂人》,照舊以誇張表情及騎呢扮相演繹毒舌律師古美門,最近出席宣傳活動,被問到怎樣由《半澤》的銀行家過渡演《律政》的律師時,堺雅人就講笑話:「好容易,只要將前額嘅頭髮撥到另一邊就可以。」演戲掂、搞 gag仲叻。
由堺雅人主演的《律政狂人》,由於食住《半澤直樹》的氣勢接上,所以前週三( 10日)首播,第一集高開 21.2%,成今季眾多日劇首集的收視之冠。雖然贏埋木村攞頭彩,但上週播到第二集,收視急跌至 16.8%,希望唔好有頭威冇尾陣啦!


上年 4月播出嘅《律政狂人》平均收視只得 12.2%,但今年堺雅人憑《半》劇升晒呢後同新垣結衣再出擊,續集《律政 2》首集高開 21.2%收視,收視 double上。 

扮乜似乜嘅堺雅人,今次演喜劇《律政 2》,就變身騎呢大狀,口擘擘、手指指表情同動作,當然唔少得,誇張過《半》劇多多聲。 

劇中,大律師堺雅人經常帶住新丁新垣結衣去搵料,雖然有時不擇手段,但出發點都係伸張正義。


木村同堺雅人雖然於日劇界係死敵,但最近終於碰頭,一齊為豐田汽車拍廣告。收視輸贏係其次,最緊要有錢搵。 

撰文:何家文

    全站熱搜

    tvb4life 發表在 痞客邦 留言(0) 人氣()