黃耀明 何韻詩「被除褲」無辜獻醜

何韻詩、黃耀明應新加坡籍名攝影師Leslie Kee邀請拍攝慈善照片,當日明哥及阿詩赤裸上身以絲巾遮胸,下身穿上牛仔褲,可是明哥卻在網上看到「被除褲」的照片,此相正於Leslie的日本相展展出。



黃耀明與何韻詩在攝影棚拍攝時,明明有穿牛仔褲。

問明哥經理人可會追究?他說:「影相時係冇講過係咁,Leslie Kee好鍾意用電腦除人條褲,如果開宗明義話要咁拍,我哋可以決定拍唔拍,唔可能拍完就修圖,令我哋無所適從。」

阿詩及明哥表示:「為了愛,我們願意敞開,但拍攝當日明明係有着褲,裸體係冇問題,但身材平平無奇如我哋,獻醜不如藏拙。」

阿詩明哥行善被除褲


互聯網圖片

網上流傳黃耀明同何韻詩披絲巾「被除褲」合照,明哥經理人郭啟華指係新加坡攝影師Leslie Kee以出慈善書為由嚟香港影相,當時明哥同阿詩以絲巾遮胸,下身都着住牛仔褲,之後佢一直收唔到對方通知幾時出書,直至喺網上見到日本相展變成「被除褲」版先知,郭啟華指對方好鍾意用電腦除人褲,已通知對方加番,明哥同阿詩指如果條件好,裸體都冇問題,但佢哋身材平平,獻醜不如藏拙。
撰文:馮仁昭

 

全站熱搜

tvb4life 發表在 痞客邦 留言(0) 人氣()