謝安琪皮毛功架冇膽踏台

粵劇名伶尹飛燕主演的舞台粵劇舉行記招,透露她將演出的新劇《八千里路雲和月》中將突破性升級飾演媽媽。而同場的謝安琪表示面對一眾頂尖和專業的資深粵劇人,笑言不敢踏台,但一定會捧場。



謝安琪及詹瑞文到場支持《八》,出品人丘亞葵(左)表示感激。

粵劇名伶尹飛燕聯同中國湛江粵劇團的文武生梁兆明合演舞台粵劇《八千里路雲和月》,昨日在港舉行記者招待會。歌手謝安琪、詹瑞文亦有到場支持,並向兩位主角送上茶具和茶葉作禮,而兩位主角亦回贈墨寶給兩位嘉賓。尹飛燕透露今次演出四場,希望多人購票可以加場,她說:「咁大嘅製作,當然做得愈多愈好啦。」她透露今次演出升級做媽媽,可說是打破了過往演出的範圍,她說:「我又覺得好樂意嘅,我好鍾意演不同角色,每個演員都需要做呢樣,咁先有進步。」

記歌詞困難

謝安琪表示對粵劇演出有興趣,早前亦與黎耀祥合作過演出《帝女花》,她說:「其實幾好玩,傳統藝術好值得去支持,當中亦學到好多嘢,好似造手方面其實一舉手一投足都好有意思。我只可以話只學過皮毛,覺得歌詞上比較困難,要有好多嘢要記。」問到這次有否斟她一同演出?她說:「今次無呀,因為今次班底好強勁、好專業、位位都好頂尖,唔係好似我呢啲半途出家咁。」問到日後有機會的話,會否正式踏台演出粵劇?她謙虛的說:「唔敢呀。」


謝安琪(右)表示自己的粵劇知識皮毛,不敢與名伶尹飛燕一起演出。

梁兆明現身其主演的《八》記招。

對於香港電視不獲發牌,謝安琪坦言感到好可惜,她說:「作為市民梗係希望有更多選擇,有良性競爭可以提高大家質素,成個行業才會興旺。(裁員?)好惋惜。」

文:影視組

全站熱搜

tvb4life 發表在 痞客邦 留言(0) 人氣()