古巨基一家親 攞正牌三人行

古巨基早前「割愛」將緋聞女友Lorraine交給好友周慧敏(Vivian),榮升Vivian經理人的Lorraine昨日以雙重身份陪同基仔及Vivian出席活動,抵死的Vivian笑言日後可以堂堂正正「三人行」,搞到基仔面紅耳赤。



基仔為Vivian的福音專輯任監製,Vivian笑言希望與基仔有更多合作。

古巨基昨日與好友Vivian出席有關素食活動,身為Vivian經理人兼基仔緋聞女友的Lorraine亦有現身,難怪Vivian笑言現時可以堂堂正正「三人行」,身旁的基仔的一臉尷尬面紅紅說:「一向都堂堂正正,只係最近大家先知Lorraine做咗Vivian經理人。」

靚女只得一個

Vivian透露已邀得基仔為其福音專輯任監製,她說:「希望佢可以監製多幾首歌。」基仔插嘴說:「佢係靚女,唔使咩原因都幫佢。(你點叫Lorraine?)靚女得一個。」記者笑指他應叫Lorraine為「老婆」,基仔反應極大笑笑口說:「喂!咩呀!」由於Lorranie姓陳,基仔說:「我叫佢Miss Chan Chan。」


走在前面的基仔掉頭扶周慧敏落台,非常細心。

Lorraine 在台下為基仔打點。

另外,去年缺席所有香港樂壇頒獎禮的基仔問到今年是否再度「冇影」?基仔坦言近日才開始做國語專輯,他說:「依家心態唔同咗,會諗清楚方向慢慢做。(咁即係唔參與頒獎禮?)舊年都冇去啦,睇吓隻碟做唔做得切。」

文:音樂組

全站熱搜

tvb4life 發表在 痞客邦 留言(0) 人氣()