寵物家

狗眼照相機 寵物攝影機

主人最近喺我哋條頸帶夾咗部自動計時嘅寵物攝影機,話想知我哋平時睇到乜嘢喎。相機唔重,你開心,我哋一定配合嘅。
你問我哋點解影嚟影去都係得對腳?因為我哋最想望住你,但我哋生得矮,變咗狗眼看人低,只望到你隻腳咋!就算用盡力跳起,都同你有一段距離。可以嘅話,不如你蹲下來,又或者抱起我,俾我哋好好咁望吓你啦。

超高清版 GoPro


進階之選 

如果你追求相片質素,一般寵物機滿足唔到你。咁你可以試吓付出多啲金錢,買部 GoPro攝影機。佢主要用於進行極限運動時拍攝,如跳降傘等,外殼防水,最近興起將佢綁喺樹枝上,拋出去俾狗仔追,反攝番狗仔個樣。影相最快可達每 1秒 3張,仲可以拍影片,更有廣角鏡。不過,相機連殼有啲重,而價錢方面要三千幾,跌爛唔心痛先好買。

 

GoPro Hero 3+ Black Edition$3,980
視頻格式: MP4( 1920× 1080)
圖片格式:自動拍攝每秒超過 30張
其餘功能:外殼防水 40米、超廣角 170°、自動低光模式
查詢: http://trippro.com.hk 

入門之選

寵物相機使用時要綁喺小狗條頸度,拍攝角度只算模擬狗狗視覺,未必準確。寵物相機可以 set時間自動拍攝,相片質素當然不及一般相機,不過勝在夠平夠輕,唔使錫住用。今次搵嚟三隻唔同性格嘅小狗,試用三款寵物相機,睇吓佢哋影到啲咩?

Nat Geo Wild攝影機


(A) 

圖片像素: 30萬( 640× 480)
影像比例: 4:3
記憶體: 4MB(最少 40張相),不支援外置記憶卡
拍照模式: 1/ 5/ 15分鐘自動拍照
USB接口: USB2
電池類型: 3A電池× 2
配件: USB線、說明書

 

聽話 Billy:聽主人話,鍾意玩拋波波、轉身、跳高、同其他小狗玩。
試後感:設計美觀和實淨,使用簡易。但較另外兩部攝影機重和大部,以比熊犬的高度,上落樓梯時相機易碰到地面。



「主人主人!同我玩未啫?我頭昂昂咗好耐喇。」 

「呢隻狗做咩跟住我主人?等我望實你有冇圖謀不軌先。」

球形攝影機、三角骨頭形攝影機

視頻編碼: M-JPEG( 1280× 720)
圖片格式: JPG( 2560× 1920高清)
影像比例: 4:3
記憶體:內置 MicroSD,不支援外置記憶卡
拍照模式: 10/ 20/ 30秒自動拍照
電池類型:用 USB充電
USB接口: USB2
配件: USB線、兩腳 USB充電器、說明書、頸繩


(B) 

(C) 

 

懶惰阿 Woo:身形較肥,唔多願郁,成日趴低,永遠都黐住主人。
試後感:有頸繩佩戴方便,可校相機高度。解像度較高,試過拍片質素,畫面清晰,但如小狗高速跑跳,就只落得「鬆郁矇」的影像。



「啲相係咪好清楚呢?全靠我唔郁咋。」 

「我覺得抬起頭好攰呀,其實望到主人隻腳都夠啦。」

 

好動細佬:反應快,極度活躍,鍾意同人玩。為食,為咗食,會同陌生人扮 friend。
試後感:性能基本上與球形攝影機一樣,不過三角骨頭形較貼身,但有狗主指狗仔愛咬骨頭形象的東西。



「唔好以為我唔知你影我相喎?」 

「點解我哋鍾意聞其他狗屁股?因為我嘅角度望佢屁股最清楚。」

 

$350(A)、$580(B),可租借或購買。
查詢: http://www.pet42.com (設網上平台讓寵物主人分享寵物攝影機照片。)
$247(C)(已折算成港幣,未計運費)
查詢:淘寶商戶@時尚 3c電子店


撰文:吳韻菁
攝影:陳偉傑

全站熱搜

tvb4life 發表在 痞客邦 留言(0) 人氣()