餐廳以 1900年代為背景,當時可樂以吉卜賽少女製作一系列的宣傳海報。 

飲食特務 B

睇可樂 食可樂

見到個紅色罐已經開心。小時候父母唔俾飲汽水,長大後總是對罐裝飲品情有獨鍾,尤其是可樂,邊個小朋友唔想偷喝?當聽到可樂於迪士尼開設主題餐廳,我就想:「而家啲小朋友真幸福,大條道理同爹哋媽咪講要飲可樂!」羨慕又妒忌。

 

餐廳位於樂園內美國大街小鎮,原為大街小鎮餐廳,今年 10月跟可口可樂合作,將可樂元素加入裝潢及菜式內,成為香港第一間可口可樂主題餐廳。先是餐廳的外觀,遠看看不出有什麼改變,細看下才發現很多細節位加入可樂獨有的紅色 logo,如招牌、窗花、太陽傘等等,門口放置了一架可樂小販車,恍然大悟今次原來係玩懷舊 feel。內部裝飾亦配合懷舊主題,布置以維多利亞風格為主,牆上有很多不同的中古風掛畫、月曆及可樂樽擺設,餐廳內的 27件可樂裝飾,全都是參照 1900年代的實物仿製品,用了約兩年時間於世界不同地方收集可樂珍藏品仿製而成。雖然只係仿製,不過可以一次過欣賞,就好似置身小型博物館一樣。至於餐廳另一邊的玻璃屋用餐區,就換上可樂彩色吊燈,更是充滿歐洲風情。


甜品是可口可樂焦糖燉蛋配鮮什錦草莓,以可樂替代糖,令可樂味過重,太膩。 

前菜輕燒帶子伴香芒沙律配可口可樂味魚子,酸酸甜甜非常醒胃。 

主菜選擇之一的三文魚龍脷魚柳伴可口可樂忌廉汁配炒雜菜條,火候恰到好處,可樂汁水準尚可。

 

裝修咁精緻,食物方面又如何?除了以前大街小鎮餐廳也提供的菜式外,新推出可樂套餐,由前菜、主菜,以至甜品及特飲,款款有可樂。以為好甜?幸好廚師用其他食材中和甜味,前菜輕燒帶子,上面有一粒粒由可樂濃縮而成的分子料理魚子,單吃有點太甜,配埋襯底的芒果及沙律一起食,酸味中和甜味,反而令帶子鮮味更突出。兩款主菜分別是三文魚龍脷魚柳及燴牛頰:前者配上以可樂做成的忌廉汁,淡淡的可樂味很清新;後者以可樂汁煮三小時,牛頰很入味,不過總覺得可樂同雞翼夾啲。最後由可樂甜品作結,可樂味 Creme Brulee嫌太膩,反而可樂雪葩就像小時候吃的「啜啜冰」,食完會牙痺的,好懷念啊!


餐廳門口放置一輛三輪可樂販賣車,搶眼點題以吸引顧客。 

擺設中當然少不了令可樂迷趨之若鶩的可樂樽,架上最右邊的就是於 1899年至 1902年生產第一代可樂樽,非常珍貴。 

大街餐廳由 Coca-Cola呈獻

電話: 1830830 
地址:香港迪士尼樂園美國小鎮大街
Coca-Cola特選套餐收費$268一位(另收加一服務費)

時令秋吃

不時不食,今期輪到矜貴的意大利白松露和大閘蟹,大小餐廳都推出時令菜單,平貴任揀。

豪吃松露宴


松露陳年意大利飯$480 

Messina選用著名白松露產區 Alba出品,客人可以從白松露餐單上揀四至六道菜當套餐($1,380/四道菜、$2,080/六道菜),推介自家製手做南瓜雲吞和松露陳年意大利飯,做法精巧。

 

地址︰紅磡黃埔環海街 11號海名軒 5樓 
電話︰ 3746 2733
供應時間︰即日至 22/12 12nn-2:30pm
6pm-10:30pm(星期一休息)

荷蘭大閘蟹


蟹粉伴燕麥脆饅頭$188 

太湖還是陽澄湖?翠亨邨就揀了去年大賣的荷蘭大閘蟹,蟹膏軟滑沒有苦澀味,蟹肉亦很鮮甜。另有太湖蟹炮製的七款蟹粉菜,伴燕麥脆饅頭、野菌煮年糕特別好吃,蟹粉多,包裹每片年糕,油潤甘香。

 

地點︰全線翠亨邨 
供應時間︰即日至 30/11午及晚市

抵食逐克計


燉原隻意大利蛋及碎蛋多士$268 

Amico大廚炮製巴馬臣芝士慕絲、手做蛋意粉、雪糕等七道菜式,主菜足三克白松露,頭盤兩克,額外每克$128,君真兼抵食。即場還有估松露重量送多一克的小遊戲。

 

地址︰尖沙咀諾士佛臺 1號 7樓 
電話︰ 2311 2368
供應時間︰ 28/10-8/12 12nn-3pm, 6pm-2am


撰文:關錦雯 
攝影:梁炳權

全站熱搜

tvb4life 發表在 痞客邦 留言(0) 人氣()