同你吟一吟

陳加玲冇面見人

樓上嘅四十七歲李麗珍硬膠復出幫無綫拍劇,同樣係八十年代「開心少女組」嘅陳加玲,養尊處優穴居多年,唯一俾面黃百鳴,無論首映定娶新抱,逢請必蒲頭。

 

唔再做幕前,但對鏡頭依然保持敏感!早個禮拜《壹》仔 ifc行咇,見到零妝踢拖嘅陳加玲,一瞄到有相機「隊」住自己,半滴妝都冇嘅佢,第一個反應係用手揞住半塊面,之後坐低响 Clé de Peau買買買,走嘅時候見《壹》仔仲喺度,佢誇張到打開個電話 case遮樣。
比起大佢兩年嘅李麗珍,唔使撈嘅陳加玲無疑係肥咗啲,但閣下個樣唔膠又唔硬,真係唔使咁緊張喎!再唔係,咪執番啲眼耳口鼻先出街囉!


冇化妝嘅陳加玲見到鏡頭,第一時間用手揞面。 

買完嘢,再填埋 form做 member,同朋友一齊離開時,陳加玲竟然打開個電話 case遮剩對眼。唔……咪仲肉酸! 

撰文:八珍

全站熱搜

tvb4life 發表在 痞客邦 留言(0) 人氣()