同祥仔替身對打,黃浩然拍慣動作片駕輕就熟,更一早著多條面褲,俾工作人員幫佢裝威也。 

同你吟一吟

黎耀祥黃浩然晒底

舊年年尾出街嘅電視劇《大太監》,口碑收視雙贏,無綫最叻就係拍續集,加上呢輪要籌備節目巡禮,《大太監》 part two變《太監五虎》,由黎耀祥、黃浩然等原班人馬主演。

 

故事大概講慈禧駕崩後,五個太監剪辮出宮各奔前程。當日拍《大太監》,黎耀祥主力服侍慈禧,唔點使武刀弄槍,但嚟到《太監五虎》,祥仔化身西裝商家,唔知點解反而要拍動作場面,同昔日好兄弟、轉咗行做山賊嘅黃浩然爭奪寶箱。導演要祥仔吊威也,打橫飛埋去搶寶箱,點知 NG咗成廿次,搞到祥仔忍唔住話:「人生有幾多個十年?我都十年冇拍過動作片。」
四十九歲祥仔唔打得,好在有混身肌肉嘅黃浩然幫到手,唔使替身全部親身上陣,佢仲早有準備面褲打孖著,俾工作人員裝威也,祥仔阿邦唔知定,唯有行埋一二邊背向鏡頭露底。



祥仔只得條藍色孖煙囱,裝威也,唯有閃埋一二邊。 

撰文:八珍

全站熱搜

tvb4life 發表在 痞客邦 留言(0) 人氣()